अक्षय कुमार-रजनीकांतच्या 2.0 ची रिलीज डेट अखेर जाहीर
एबीपी माझा वेब टीम | 03 Dec 2017 02:31 PM (IST)
पुढच्या वर्षी म्हणजे 27 एप्रिल 2018 रोजी हा सिनेमा रिलीज होईल, अशी माहिती समीक्षक तरण आदर्शने दिली आहे.
मुंबई : बॉलिवूडचा खिलाडी अक्षय कुमार आणि सुपरस्टार रजनीकांत यांच्या मच अवेटेड 2.0 या बिग बजेट सिनेमाची रिलीज डेट अखेर जाहीर करण्यात आली आहे. पुढच्या वर्षी म्हणजे 27 एप्रिल 2018 रोजी हा सिनेमा रिलीज होईल, अशी माहिती समीक्षक तरण आदर्शने दिली आहे. 2.0 या सिनेमाचं दिग्दर्शन एस शंकर करत आहेत. 350 कोटी रुपये एवढं या सिनेमाचं बजेट असल्याचं बोललं जातं. अक्षय कुमार, रजनीकांत, एमी जॅक्सन, सुधांशु पांडे आणि आदिल हुसैन यांसारखे कलाकार या सिनेमात प्रमुख भूमिकेत आहेत. अक्षयने या सिनेमात एका विक्षिप्त वैज्ञानिकाची भूमिका साकारली असून, सुपरस्टार रजनिकांत वसीगरन या वैज्ञानिकाच्या भूमिकेत दिसणार आहे. 350 कोटींचं बजेट असलेला हा सिनेमा 2010 मधील 'एंथिरन' या तामिळ सिनेमाचा सीक्वेल आहे. संबंधित बातम्या :