मुंबई : नाट्य आणि सिनेसृष्टीतील कलाकृतींना सन्मान मिळवून देण्यासाठी अविरतपणे कार्यरत असलेल्या संस्कृती कलादर्पण गौरव रजनी पुरस्कार 2017 च्या नामांकनासाठी नाटक, चित्रपट आणि मालिका विभागाच्या नाव नोंदणीला सुरुवात झाली आहे.
आगामी वर्षाच्या या पुरस्कार सोहळ्यासाठी दि. 22 डिसेंबर 2016 ते 15 जानेवारी 2017 पर्यंत नावनोंदणीचा अर्ज www.sanskrutikaladarpan.com या संकेत स्थळावर तसेच संस्कृती कलादर्पणच्या फेसबुकपेजवर उपलब्ध केले जाणार आहेत.
या पुरस्कारासंदर्भातील अधिक माहिती संकेतस्थळावर देण्यात आली असल्याचं संस्थेच्या अध्यक्षा अर्चना नेवरेकर आणि संस्थापक अध्यक्ष चंद्रशेखर सांडवे यांनी सांगितलंय. महाराष्ट्राच्या कानाकोपऱ्यात लोकप्रिय झालेल्या या संस्कृती कलादर्पण गौरव रजनी पुरस्कार सोहळ्याचे हे सतरावं वर्ष असणार आहे.