Wake Up Sid 2: कधी आयुष्या नैराश्य आलं, कामात फारसं लक्ष लागत नसेल किंवा आयुष्यात खूप अडथळे आहेत, असं जेव्हा  तरुण मुलं आणि मुलींना वाटतं तेव्हा ते, जिंदगी ना मिलेगी दोबारा, ये जवानी है दिवानी आणि वेक अप सिड यांसारखे चित्रपट बघतात. या चित्रपटांमध्ये तरुणांच्या मनात सुरु असणारे विचारांचे कहूर दाखवण्यात आलं आहे. वेक अप सिड (Wake Up Sid) हा तरुणांचा ऑल टाइम फेवरेट चित्रपट आहे. या चित्रपटाबाबत नुकताच करण जोहरनं एक खास व्हिडीओ शेअर केला आहे. या व्हिडीओची सध्या सोशल मीडियावर चर्चा होत आहे.


करणनं शेअर केला व्हिडीओ


करणने इंस्टाग्राम शेअर केलेल्या व्हिडीओमध्ये,रणबीर कपूर झोपलेला दिसतो तेव्हा अचानक कोंकणा सेन शर्मा ओरडते,"सिड, इट्स ऋषी डे" आणि रणबीर जागा होतो. सोशल मीडियावर कोंकणा आणि रणबीरचे काही फोटो व्हायरल झाले आहेत. ज्यामध्ये रणबीर हा पांढऱ्या पँट आणि निळा शर्ट अशा लूकमध्ये दिसत आहे तर कोंकणा पांढऱ्या कुर्ता आणि निळ्या रंगाचा दुपट्टा अशा लूकमध्ये  दिसत आहे.






चाहत्यांची उत्सुकता शिगेला


सोशल मीडियावर व्हायरल झालेले फोटो पाहिल्यानंतर आणि करणनं शेअर केलेला व्हिडीओ पाहिल्यानंतर 'वेक अप सिड चित्रपटाचा सिक्वेल रिलीज होणार आहे का?'  असा प्रश्न नेटकऱ्यांना पडला आहे.  करणनं शेअर केलेल्या व्हिडीओला एका नेटकऱ्यानं कमेंट केली, 'वेक अप सिड चित्रपटाचा सिक्वेल येणार आहे की ही अॅड आहे?' तर दुसऱ्या युझरनं कमेंट केली, 'खरंच वेक अप सिड चित्रपटाचा सिक्वेल खरंच येणार आहे का?'. वेक अप सिड या चित्रपटाचा सिक्वेल रिलीज होणार आहे की नाही? याबाबत अजून या चित्रपटाच्या टीमनं कोणतीही माहिती दिली नाही. पण हे जाणून घेण्यास प्रेक्षक उत्सुक आहेत. 






'वेक अप सिड' हा चित्रपट 2009 मध्ये रिलीज झाला होता. हा चित्रपट रणबीरच्या कारकिर्दीच्या सुरुवातीच्या काळातील हिट चित्रपटांपैकी एक आहे. या चित्रपटाच्या कथानकाला प्रेक्षकांची पसंती मिळाली होती.


संबंधित बातम्या:


Ranbir Kapoor and Alia Bhatt Daughter: रणबीर-आलियाची लेक पहिल्यांदा पापाराझीसमोर; पाहा क्यूट राहाचे खास फोटो