Rakhi Sawant Husband Adil Khan Durrani Arrested : 'ड्रामा क्वीन' राखी सावंत (Rakhi Sawant) गेल्या काही दिवसांपासून वेगवेगळ्या कारणांमुळे चर्चेत आहे. पण आता अभिनेत्रीसंदर्भात एक मोठी बातमी समोर आली आहे. राखीने तिचा पती आदिल खान दुर्राणी (Adil Khan Durrani) विरोधात तक्रार दाखल केली होती. आता तिच्या तक्रारीची दखल घेत मुंबईच्या ओशिवरा पोलिसांनी आदिल खानला चौकशीसाठी ताब्यात घेतलं आहे.
राखी सावंत आणि आदिल खान दुर्रानीचे काही दिवसांपूर्वी लग्न झाले होते. आता लग्नानंतर काही दिवसांनी राखीने तिच्या पतीवर फसवणूक केल्याचा आरोप केला आहे. आदिल खान दुर्राणीला पोलिसांनी नेमक्या कोणत्या कारणाने चौकशीसाठी ताब्यात घेतलं आहे हे अद्याप समोर आलेलं नाही. गेल्या काही दिवसांपासून राखी आदिल खानवर वेगवेगळे आरोप करत आहे. आदिलचे विवाहबाह्य संबंध असल्याचे राखी म्हणाली होती. आता राखी सावंतच्या तक्रारीवरुन पोलिसांनी आदिल खान दुर्रानीला चौकशीसाठी ताब्यात घेतलं आहे.
राखी सावंतने 6 फेब्रुवारी 2023 रोजी आदिल खान दुर्रानीबद्दल अनेक खुलासे करत त्याच्यावर गंभीर आरोप केले आहेत. राखी सावंत ओशिवरा पोलीस ठाण्यात तक्रार दाखल करण्यापूर्वी आदिलने तिच्याकडून पैसे आणि दागिने काढून घेतले आहेत. आदिल राखीचा छळ करत असून त्याचे विवाहबाह्य संबंध असल्याचा गंभीर आरोप राखीने केला आहे. पोलिसांनी आदिल खान दुर्राणीविरुद्ध आयपीसी कलम 406 आणि 420 अंतर्गत तक्रार दाखल केली आहे.
डीसीपी झोन 9 अनिल पारस्कर यांनी एबीपी न्यूजला दिलेल्या माहितीनुसार, राखी सावंतच्या तक्रारीवरुन आम्ही गुन्हा दाखल केला आहे. सध्या याप्रकरणी पोलीसांचा तपास सुरू आहे. राखीचा पती आदिलला चौकशीसाठी बोलावण्यात आले आहे". आदिल खान दुर्रानीसोबत लग्नबंधनात अडकल्यानंतर राखी कोणत्या ना कोणत्या कारणाने चर्चेत आहे. गेल्या काही दिवसांपासून राखी सावंतच्या आयुष्यात वेगवेगळ्या घडामोडी घडत आहेत.
संबंधित बातम्या