Srikanth Movie OTT Release: दृष्टीहिन व्यावसायिक श्रीकांत बोला (Shrikanth Bola) यांच्या जीवनावर आधारीत असलेला आणि राजकुमार रावची (Rajkummar Rao) मुख्य भूमिका असलेला श्रीकांत चित्रपट याच महिन्यात चित्रपटगृहात झळकला. या चित्रपटाने बॉक्स ऑफिसवर सरासरी कमाई केली. मात्र, ही कमाई चित्रपट निर्मात्यांच्या अपेक्षेपेक्षा कमी राहिली आहे. त्यामुळे हा चित्रपट आता लवकरच चित्रपटगृहातून काढला जाऊ शकतो.
ओटीटीवर कधी रिलीज होणार श्रीकांत? Where & when will Rajkummar Rao’s Srikanth stream
राजकुमार रावची प्रमुख भूमिका असलेला 'श्रीकांत' हा चित्रपट जूनच्या पहिल्या आठवड्यात ओटीटीवर प्रदर्शित होऊ शकतो. काही वृत्तानुसार, हा चित्रपट नेटफ्लिक्स या ओटीटी प्लॅटफॉर्मवर मे महिन्यानंतर कधीही रिलीज होऊ शकतो.
या चित्रपटात एका अंध मुलाची गोष्ट दाखवण्यात आली आहे. हा मुलगा आपल्या मेहनतीने आणि समर्पणाने मोठा व्यावसायिक बनला आहे. राजकुमार राव शिवाय, ज्योतिकाने या चित्रपटात आपल्या शिक्षिकेची उत्कृष्ट भूमिका साकारली आहे.
वृ्त्तानुसार, 'श्रीकांत' या चित्रपटाचे बजेट 40 ते 45 कोटी रुपये आहे. या चित्रपटाने आतापर्यंत 21 कोटींची कमाई केली आहे. बॉक्स ऑफिसवर या चित्रपटाची दमछाक होत आहे. या चित्रपटाचे दिग्दर्शन तुषार हिरानंदानी यांनी केले आहे. चित्रपटाची कथा सत्य घटनेवर आधारीत असून प्रेक्षक, समीक्षकांनी चित्रपटाचे कौतुक केले आहे. आता हा चित्रपट बॉक्स ऑफिसवर कितपत तग धरेल आणि कमाई करेल हे लवकरच स्पष्ट होईल.
राजकुमार राव- जान्हवी कपूरचा चित्रपट प्रदर्शनाच्या वाटेवर
'मिस्टर अँड मिसेस माही' हा चित्रपट 31 मे रोजी प्रदर्शित होणार असून त्याआधी 'श्रीकांत' या चित्रपटाला कमाई करण्याची संधी आहे. यानंतर राजकुमार रावचा दुसरा चित्रपट 'मिस्टर अँड मिसेस माही' रिलीजसाठी सज्ज होणार आहे. या चित्रपटात जान्हवी कपूरची भूमिका आहे आणि त्याचा ट्रेलर प्रेक्षकांना खूप आवडला आहे.