RRR OTT Release Date : राजामौलींचा 'आरआरआर' सिनेमा 'या' दिवशी होणार ओटीटीवर प्रदर्शित

RRR OTT Release Date : राजामौलींचा 'आरआरआर' सिनेमा लवकरच प्रेक्षकांच्या भेटीला येणार आहे.

RRR OTT Release Date : एसएस राजामौलींचा (ss rajamouli) 'आरआरआर' (RRR) सिनेमा सध्या सिनेमागृहात धुमाकूळ घालतो आहे. या सिनेमाच्या चाहत्यांसाठी एक आनंदाची बातमी आहे. सिनेमागृहात धुमाकूळ घातल्यानंतर 'आरआरआर' सिनेमा आता ओटीटीवर प्रदर्शित होणार आहे. 'आरआरआर' सिनेमा 25 फेब्रुवारीला ओटीटीवर प्रदर्शित होणार आहे. 

'आरआरआर' सिनेमाने जगभरात 800 कोटींची कमाई केली आहे. या सिनेमात आलिया भट्ट, अजय देवगण आणि ज्युनियर एनटीआर मुख्य भूमिकेत आहेत. हा सिनेमा ओटीटीवर कधी येणार याची प्रेक्षक आतुरतेने वाट पाहत होते. पण आता हा सिनेमा ओटीटीवर येणार असल्याने प्रेक्षकांची प्रतीक्षा संपली आहे.

'आरआरआर' सिनेमा 25 फेब्रुवारी रोजी झी 5 या ओटीटी प्लॅटफॉर्मवर प्रदर्शित होणार आहे. 25 फेब्रुवारीला हा सिनेमा तेलुगू, तामिळ, मल्याळम आणि कन्नड भाषेत प्रदर्शित होणार आहे. सध्या हिंदीत हा सिनेमा प्रदर्शित होणार नाही.'आरआरआर' सिनेमा नेटफ्लिक्सवर हिंदी भाषेत प्रदर्शित होईल, अशी शक्यता वर्तवली जात आहे. हा सिनेमा 25 जूनपर्यंत नेटफ्लिक्सवर प्रदर्शित होईल, असे म्हटले जात आहे. बॉक्स ऑफिसवर हा सिनेमा 200 कोटींची कमाई करेल, अशी शक्यता वर्तवली जात आहे. आतापर्यंत या सिनेमाने अनेक रेकॉर्ड मोडले आहेत.  

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha