Raj Thackeray: राज ठाकरेंच्या (Raj Thackeray) महाराष्ट्र नवनिर्माण सेनेच्या विद्यार्थी संघटनेचा 17 वा वर्धापनदिन सोहळा पार पडला. यानिमित्त मनसेच्या वतीने रिलबाज पुरस्काराची सोहळ्याचे आयोजन करण्यात आले. सोशल मीडियावर इन्फ्लुएन्सर म्हणून प्रभावी रिल्स सादर करणाऱ्या तरुणतरुणींना या सोहळ्यात गौरवण्यात आलं. राज्यभरातून आलेल्या या सोशल मीडिया इन्फ्लुएन्सर्सशी संवाद साधताना राज ठाकरे यांनी एका रिल्स स्टारचे कौतुक केले. 


राज ठाकरे यांनी मनसेच्या रिलबाज पुरस्कार सोहळ्यात रिल स्टार अथर्व सुदामेचं (Atharva Sudame) कौतुक केलं. कार्यक्रमात भाषण सुरु असताना अथर्व सुदामेला पाहताच राज ठाकरे म्हणाले, 'अरे तू पण आला आहेस का? हा माझा अत्यंत आवडता आहे. तुझ्या सगळ्या गोष्टी मी पाहात असतो बरं का' त्यानंतर राज ठाकरे यांनी अथर्व सुदामेला स्टेजवर बोलवलं आणि त्याचं कौतुक केलं. पुढे राज ठाकरे कार्यक्रमात उपस्थित असलेल्या रिल्स स्टार्सला  म्हणाले, 'तुमच्यावर खूप मोठी जबाबदारी आहे. तुम्ही या रिल्सच्या माध्यमातून महाराष्ट्रात प्रबोधन करु शकता.'


पाहा व्हिडीओ:






अथर्व सुदामेनं या कार्यक्रमानंतर एबीपी माझासोबत संवाद साधला. तो म्हणाला, 'हा पुरस्कार मला मिळाला आहे, त्यामुळे छान वाटत आहे. आमच्याकडे एवढं मोठं माध्यम आहे, याची जाणीव आम्हाला राज ठाकरेंनी करून दिली आहे.'






कोण आहे अथर्व सुदामे?


अथर्व सुदामे हा सोशल मीडिया इन्फ्लुएन्सर आहे. तो इन्स्टाग्रामवर, युट्यूब या प्लॅटफॉर्मवर विविध रिल्स शेअर करतो. अथर्वला इन्स्टाग्रामवर 802 K फॉलोवर्स आहेत. इन्स्टाग्रामवरील  व्हिडीओमधील अथर्वच्या विनोदी शैलीला नेटकऱ्यांची विशेष पसंती मिळते. नेटकरी अथर्वच्या व्हिडीओवर लाइक्स आणि कमेंट्सचा वर्षाव करतात. तसेच अथर्व सुदामेचे युट्यूब चॅनल देखील आहे. त्याच्या या युट्यूब चॅनलला 468K फॉलोवर्स आहेत. 


वाचा इतर महत्वाच्या बातम्या:


Ameya Khopkar: 'पाकिस्तानी कलाकार भारतीय सिनेमांमध्ये किंवा सीरिजमध्ये काम करणार असतील तर त्यांच्या तंगड्या तोडून...'; अमेय खोपकर यांच्या ट्वीटनं वेधलं लक्ष