Pushpa 2 The Rule Rashmika Mandanna First Look : बॉक्स ऑफिसवर कोटींची कमाई केल्यानंतर पुष्पाचा सिक्वेल 'पुष्पा-2' (Pushpa 2 The Rule) प्रेक्षकांच्या भेटीला येणार आहे. या चित्रपटातील अल्लू अर्जुनने साकारलेल्या पुष्पा या व्यक्तिरेखेसोबत रश्मिकाने साकारलेल्या श्रीवल्ली ही व्यक्तीरेखाही प्रेक्षकांना भावली होती. चित्रपटातील 'श्रीवल्ली' या गाण्याने चांगलाच धुमाकूळ घातला होता. आता रश्मिका मंदानाच्या वाढदिवसाच्या निमित्ताने 'पुष्पा -2' निर्मात्यांनी श्रीवल्लीचा फर्स्ट लूक समोर आला आहे.
पोस्टरमध्ये श्रीवल्लीने साडी नेसील असून ज्वेलरी परिधान केली आहे. कपाळावर असलेल्या कुंकूने आणि गळ्यात असणाऱ्या डोरल्याने प्रेक्षकांचे लक्ष वेधून घेतले आहे. रश्मिकाच्या डोळ्यात काहीसा आक्रमकपणा आहे. लोकांचे हृदय चोरणारी श्रीवल्ली उर्फ रश्मिकाला वाढदिवसाच्या शुभेच्छा अशी कॅप्शन देण्यात आली आहे.
चाहत्यांकडून कौतुकांचा वर्षाव
चाहत्यांकडून रश्मिकाच्या या लूकवर कौतुकाचा वर्षावर सुरू आहे. एका युजरने श्रीवल्ली असे लिहित फायर इमोजी पोस्ट केली आहे. अनेक चाहत्यांनी हार्ट आणि फायर इमोजी पोस्ट करत आहेत. अल्पावधीतच लाखो लोकांनी या पोस्टला लाईक केले आहे.
8 एप्रिल रोजी होणार टीझर लाँच
'पुष्पा 2 द रुल'चा टीझर रिलीजसाठी तयार आहे. या चित्रपटाचा टीझर 8 एप्रिल रोजी लाँच होणार आहे. श्रीवल्लीच्या फर्स्ट लूकसह निर्मात्यांनी ही माहिती दिली आहे. 'पुष्पा 2' मध्ये अल्लू अर्जुन, फहद फासिल, रश्मिका मंदान्ना मुख्य भूमिकेत दिसणार आहेत. चित्रपटाचे दिग्दर्शन सुकुमार यांनी केले आहे. हा चित्रपट 15 ऑगस्ट रोजी जगभरात प्रदर्शित होत आहे.