Pooja Bhatt : अभिनेत्री पूजा भट्ट (Pooja Bhatt) ही तिच्या वैयक्तिक आयुष्यामुळे अनेकवेळा चर्चेत असते. पूजा गेल्या काही दिवसांपूर्वी बिग बॉस ओटीटी 2 या कार्यक्रमामुळे चर्चेत होती. नुकत्याच एका मुलाखतीमध्ये पूजानं काही मुद्द्यांवर चर्चा केली. वडील महेश भट्ट (Mahesh Bhatt) यांच्यासोबतच्या लिपलॉकच्या व्हायरल फोटोबाबत देखील पूजानं या मुलाखतीमध्ये सांगितलं.
1990 मधील एका मॅगझिनच्या कव्हर फोटोमुळे पूजा ही वादाच्या भोवऱ्यात अडकली होती. या फोटोमध्ये पूजा ही तिचे वडील महेश भट्ट यांच्यासोबत लिपलॉक करताना दिसले. महेश भट्ट आणि पूजा यांच्या या फोटोनंतर अनेकांनी पूजाला ट्रोल केलं होतं. आता सिद्धार्थ काननच्या टॉक शोमध्ये या लिपलॉक फोटोबाबत पूजानं सांगितलं आहे.
सिद्धार्थने मुलाखतीमध्ये पूजाला प्रश्न विचारला की तिला तिच्या वडिलांसोबत 1990 च्या दशकातील वादग्रस्त लिपलॉक शूटचा भाग झाल्याबद्दल वाईट वाटत आहे का? पूजा या प्रश्नाचं उत्तर देताना सांगितले की, 'एक मुलगी आणि तिचे पालक यांच्यातील तो निरागस क्षण होता.'
पूजा भट्टने मुलाखतीमध्ये सांगितलं की, 'मला त्यामुळे कोणताही पश्चात्ताप वाटला नाही. ती म्हणाली, “मी याकडे अगदी साध्या गोष्टीप्रमाणे पाहिते. आणि मला वाटते की दुर्दैवाने एका फ्रेजन क्षणाचे चुकीचे वर्णन केले जाऊ शकते.
मला आठवते की ,शाहरुखने मला सांगितले होते की, जेव्हा तुमच्या मुली लहान असतात तेव्हा त्या अनेकदा म्हणतात,‘मम्मी, पप्पा मला एक चुंबन द्या’. या वयातही मी माझ्या वडिलांसाठी एक लहान मुलगीच आहे आणि मी तशीच राहणार आहे.त्यामुळे तो क्षण अगदी निरागस होता जो कॅमेऱ्यात कैद झाला होता. लोक त्यांच्या इच्छेनुसार त्या गोष्टीकडे पाहतात. बाप आणि मुलीचं नातं वेगळ्या लोकांना पद्धतीने बघायचं असेल तर तुम्ही त्यासाठी काहीही करू शकता. मग त्यानंतर लोक कौटुंबिक मूल्यांबद्दल बोलतात. काय अप्रतिम विनोद आहे हा'
पूजानं दिल है के मानता नही या चित्रपटाच्या माध्यमातून तिनं बॉलिवूडमध्ये पदार्पण केलं. तिनं सडक, फिर तेरी कहानी याद आयी, चाहत या चित्रपटांमध्ये काम केले. बिग बॉस ओटीटीमध्ये देखील पूजानं सहभाग घेतला. या स्पर्धेत पूजासोबतच जिया शंकर, मनीषा रानी, अभिषेक मल्हान यांनी देखील भाग घेतला होता.
इतर महत्वाच्या बातम्या:
Pooja Bhatt: वयाच्या 44 व्या वर्षी अभिनेत्री पूजा भट्टनं सोडली दारु; बिग बॉसच्या घरात म्हणाली...