Lock Upp :पूनम पांडे पायल रोहतगीच्या निशाण्यावर, वादानंतर कंगनाकडून क्लास 

Lock Upp : कंगना रनौतच्या (Kangana Ranaut) ‘लॉक अप' (Lock Upp) शोमध्ये पूनम पांडे आणि पायल रोहतगीमध्ये वाद झाला. या वादानंतर कंगनाने पायलचा क्लास घेतला.  

Lock Upp : अभिनेत्री कंगना रनौतच्या (Kangana Ranaut) ‘लॉक अप' (Lock Upp) शोच्या नवीन भागात प्रेक्षकांना स्पर्धकांमधील चुरशीची लढत पाहायला मिळाली आहे. परंतु, या स्पर्धेतील झीशान खान आणि पायल रोहतगी यांच्यातील वाद चांगलाच चर्चेत आला आहे. झीशान खानवर केलेल्या वादग्रस्त कमेंटमुळे हा वाद सुरू झाला आहे, लॉकअपमध्ये  कर्नाटकात हलाल मीटवर बंदी घालण्याची मागणी कशी केली जात आहे याची एक बातमी दाखवल्यानंतर हा वाद सुरू झाला आहे.   

या बातमीनंतर झीशान खान आणि पायल रोहतगी यांनी आपापसात चर्चा सुरू केली. परंतु, त्यातून हळूहळू दोघींमध्ये वाद सुरू झाला. परंतु, हे भांडण खरे नसून तो एक टास्क होता. या टास्कमध्ये टीम मेंबर्सनी पायलला तिने कमावलेल्या नाण्यांबद्दल विचारल्यानंतर ती काहीच उत्तर देत नव्हती. टीम मधील एकही सदस्य तिच्यासोबत नीट बोलत नव्हते, त्यामुळे पायलने ही नाणी जेलरला दिली. यानंतर निशा रावल, मंदाना आणि जीशान यांनी पायलला टोमणे मारण्यास सुरुवात केली. परंतु, यातून परिस्थिती आणखी बिघडली आणि पायल रोहतगीने झीशान खानविरोधात वादग्रस्त कमेंट्स करायला सुरुवात केली.

पायलने यावेळी झीशान खानला दहशतवादी म्हटले होते. यानंतर सगळेच तिच्या विरोधात गेले. याचा राग स्वतः जीशानलाही आला आणि तिने पायल रोहतगीला शिवीगाळ करण्यास सुरुवात केली. पण, या सगळ्यात पायल रोहतगीलाही राग आला आणि तिने आपण मर्यादा ओलांडत असल्याचं सांगितलं. यानंतर पायल रोहतगीने पूनम पांडेला प्रत्युत्तर देताना म्हणाली की, "पूनमला फक्त शिवीगाळ करणे एवढेच माहिती आहे." 

दरम्यान, कंगना राणौतने इस्लामोफोबिक कमेंट केल्याबद्दल आणि पूनम पांडेवर असभ्य कमेंट केल्याबद्दल  पायलचा क्लास घेतला. त्या वेळी पायल रोहतगी म्हणाली की, गेल्या अनेक आठवड्यापासून मी पूनम पांडेच्या शिव्या ऐकत होते. त्यामुळे वेळ आल्यानंतर मीही तिला सुनावले. 

महत्वाच्या बातम्या