सेन्सॉर बोर्डाने 'रंगीला राजा'वर लावलेल्या 20 कट्सवर आक्षेप घेत निहलानींनी विरोध केला आहे. ही याचिका सोमवारी हायकोर्टापुढे सादर करण्यात आली. या याचिकेवर मंगळवारी सुनावणी होण्याची शक्यता आहे.
इतकंच नाही तर सीबीएफसीच्या कामकाजात काही केंद्रीय मंत्री सतत ढवळाढवळ करत असतात. आपल्या कार्यकाळात आपण त्यांचे फोन घेतले नाहीत आणि आपल्या कर्तव्याशी एकनिष्ठ राहून आपलं काम केलं. ही गोष्टी अनेकांना रुचलेली नाही. त्यामुळे निव्वळ सूड उगवण्यासाठी हे षडयंत्र आपल्याविरोधात सुरु असल्याचं निहलानी म्हणत आहेत.
भारतीय बँकांना शेकडो कोटींचा चुना लावून परदेशात पळालेला मद्यसम्राट विजय मल्ल्याच्या जीवनावर आधारित हा सिनेमा आहे. निहलानींच्या 'इल्जाम' आणि 'आँखे' या सुपहिट चित्रपटांत काम करणारा बॉलिवूडचा 'हिरो नंबर 1' गोविंदा या चित्रपटात प्रमुख भूमिकेत दिसणार आहे.
खरंतर, आजवर काही निर्माता आणि दिग्दर्शकांनी निहलानी यांच्या कामकाजावर आक्षेप घेत हायकोर्टात धाव घेतली होती. मात्र आता हीच वेळ खुद्द पहलाज निहलानींवर आली आहे.