‘याड लागलं’ची चाल, ‘धडक’चं नवं गाणं रिलीज
एबीपी माझा वेब टीम | 05 Jul 2018 10:16 PM (IST)
‘धडक’मध्ये जान्हवी कपूर आणि ईशान खट्टर प्रमुख भूमिकेत आहेत. हे दोघे एकमेकांच्या प्रेमात पडत असतानाचा प्रवास या गाण्यात दाखवण्यात आला आहे. या गाण्याला 'सैराट'मधील 'याड लागलं' गाण्याची चाल दिली आहे.
मुंबई : सैराटचा रिमेक असलेल्या ‘धडक’ या सिनेमातील तिसरं गाणं रिलीज झालं आहे. ‘पहली बार’ असे या गाण्याचे बोल आहेत. या गाण्याला अजय गोगावले यांनी आवाज दिला असून अजय-अतुल या सुपरहिट जोडीने संगीत दिलं आहे. सैराटप्रमाणेच ‘धडक’च्या गाण्यातही सुंदर व्हिडीओग्राफी प्रेक्षकांचं लक्ष वेधून घेत आहे. ‘धडक’मध्ये इशान खट्टर आणि जान्हवी कपूर प्रमुख भूमिकेत आहेत. हे दोघे एकमेकांच्या प्रेमात पडत असतानाचा प्रवास या गाण्यात दाखवण्यात आला आहे. ‘पहली बार’ हे गाणं रिलीज होताच सोशल मीडियावर व्हायरल होत आहे.