Orry: सोशल मीडियावर सध्या चर्चेत असणारा ओरहान अवत्रामणी (Orhan Awatramani) उर्फ ओरीने बिग बॉस 17 (Bigg Boss 17) मध्ये एन्ट्री केली होती. तो एका दिवसासाठी शोमध्ये गेला. शोमध्ये जाण्यापूर्वी ओरीनं सलमान खानसोबत (Salman Khan) मजेशीर विषयांवर गप्पा मारल्या. यावेळी ओरीने सलमाननं विचारलेल्या प्रश्नांना उत्तरं देखील दिली.
ओरी सलमानला म्हणतो, "माझे पाच मॅनेजर आहेत"
बिग बॉसच्या मंचावर सलमानने ओरीला विचारले की, "सर्वांना जाणून घ्यायचे आहे की, तू नक्की काय करतो?" सलमाननं विचारलेल्या प्रश्नाला ओरीनं उत्तर दिलं माझे 5 मॅनेजर आहेत. हे मॅनेजर विविध कामे करतात. जसे की, एक फूड मॅनेजर आहे, मी काय खातो? याकडे लक्ष देतो. पुढे ओरी म्हणाला की, "तो पार्टीला जाण्यासाठी पैसे घेत नाही, तर पार्टीतील लोकांसोबत पोज देऊन फोटो काढून ते फोटो सोशल मीडियावर फोटो पोस्ट करण्यासाठी पैसे घेतो."
एका पार्टीला जाऊन कमावतो 25 ते 30 लाख
ओरीनं बिग बॉसमध्ये सलमानला सांगितलं की, "लोक मला त्यांच्या पार्ट्यांमध्ये आमंत्रित करतात आणि मला त्यांच्या कुटुंबियांसोबत आणि मुलांसोबत पोज देण्यास सांगतात. मी त्यांच्यासोबत पोज देतो आणि सोशल मीडियावर फोटो पोस्ट करतो. यासाठी मी 20 ते 30 लाख रुपये घेतो. हे ऐकून सलमान धक्क होतो." ओरीने बिग बॉसमध्ये वाइल्ड कार्ड म्हणून एन्ट्री केली पण तो बिग बॉसच्या घरात फक्त एक दिवसच राहिला.
ओरी म्हणाला होता, "मी लिव्हर आहे"
एका मुलाखतीमध्ये ओरीनं सांगितलं होतं की, "तुम्ही नोकरीसाठी जात असाल तर, तुम्ही नोकरदार आहात. तुम्ही चित्र काढत असाल तर, तुम्ही चित्रकार आहात. तसेच मी जगत आहे, त्यामुळे मी एक लिव्हर आहे. होय, मी लिव्हर आहे."
ओरी नेमकं काय काम करतो? त्याची लाईफस्टाईल कशी आहे? या सर्व गोष्टींबाबत जाणून घेण्यास नेटकरी उत्सुक असतात. ओरी हा विविध बॉलिवूड पार्ट्यांमधील फोटो सोशल मीडियावर शेअर करतो. या फोटोमध्ये बॉलिवूडमधील कलाकार दिसतात. ओरीच्या सोशल मीडियावरील पोस्ट नेटकऱ्यांचे लक्ष वेधत असतात.
इतर महत्वाच्या बातम्या:
Orry:"भाई तू नक्की काय काम करतो?"; अभिनेत्रीला कायम चिकटून असणाऱ्या 'ओरी' नं अखेर सांगूनच टाकलं