Mrs Undercover Trailer Released Now: अभिनेत्री राधिका आपटे (Radhika Apte) ही ओटीटी क्विन म्हणून ओळखली जाते. राधिकाच्या ओटीटीवरील वेब सीरिज आणि चित्रपटांना प्रेक्षकांची पसंती मिळते. राधिका तिच्या अभिनयानं अनेकांची मनं जिंकते. तिचा चाहता वर्ग मोठा आहे. राधिकाच्या आगामी चित्रपट आणि वेब सीरिजची प्रेक्षक उत्सुकतेने वाट बघत असतात. आता ती लवकरच एका आगामी चित्रपटामधून प्रेक्षकांच्या भेटीस येणार आहे. राधिकानं मिसेस अंडरकव्हर (Mrs Undercover) या चित्रपटामध्ये एका स्पाय एजंटची भूमिका साकारली आहे. नुकताच या चित्रपटाचा ट्रेलर रिलीज झाला आहे.
झी-5 (Zee5) या ओटीटी प्लॅटफॉर्मच्या युट्यूब चॅनवर राधिका आपटेच्या 'मिसेस अंडरकव्हर' या चित्रपटाचा ट्रेलर रिलीज झाला आहे. 'मिसेस अंडरकव्हर' चित्रपटाचा हा ट्रेलर पाहून कळते की, वेब सीरिजची कथा ही एका महिला स्पाय एजंटवर आधारित आहे.
राधिका आपटेनं 'मिसेस अंडरकव्हर' मध्ये दुर्गा नावाच्या एका महिलेची भूमिका साकारली आहे. दुर्गा ही स्पाय एजंट होती पण 12 वर्षापूर्वीच तिनं हे क्षेत्र सोडलं. त्यानंतर ती गृहिणी झाली. या महिलेनं आता पुन्हा स्पाय एजंट होण्याचा निर्णय घेतला आहे. अनुश्री मेहता यांनी या वेब सीरिजचं दिग्दर्शन केलं आहे.
पाहा ट्रेलर
कधी रिलीज होणार 'मिसेस अंडरकव्हर' ?
'मिसेस अंडरकव्हर' या चित्रपटामध्ये थ्रिलर, कॉमेडी आणि सस्पेंसचा तडका आहे. हा चित्रपट 14 एप्रिल रोजी प्रेक्षकांच्या भेटीस येणार आहे. झी-5 या ओटीटी प्लॅटफॉर्मवर हा चित्रपट प्रेक्षक पाहू शकतात. या चित्रपटात राधिकासोबतच सुमित व्यास आणि राजेश शर्मा यांनी प्रमुख भूमिका साकारली आहे. राधिका या चित्रपटात अॅक्शन मोडमध्ये दिसणार आहे.
राधिकाचे चित्रपट आणि वेब सीरिज
राधिका आपटेच्या सेक्रेड गेम्स, घूल आणि ओके कम्प्युटर यांसारख्या वेब सीरिजमधून राधिका प्रेक्षकांच्या भेटीस आली. तसेच पॅडमॅन, मोनिका ओ माय डार्लिंग, अंधाधूंद यांसारख्या चित्रपटातील तिच्या अभिनयाचं अनेकांनी कौतुक केलं. राधिका तिच्या वैयक्तिक आयुष्यामुळे देखील चर्चेत असते. राधिका चित्रपट आणि वेब सीरिजमधील तिच्या बोल्ड अंदाजामुळे देखील चर्चेत असते.
वाचा इतर महत्वाच्या बातम्या:
Radhika Apte: राधिका आपटेचा नवा चित्रपट; साकारणार स्पाय एजंटची भूमिका, 'या' ओटीटीवर होणार रिलीज