Movie Releasing This Week: वेगवेगळ्या विषयांवर आधारित असणाऱ्या बॉलिवूड(Bollywood) चित्रपटांना प्रेक्षकांची पसंती मिळते. आज (14 ऑक्टोबर) काही चित्रपट प्रेक्षकांच्या भेटीस येणार आहेत. हे चित्रपट प्रेक्षकांच्या मनोरंजनासाठी सज्ज झाले आहेत. बॉक्स ऑफिसवर या चित्रपटांची टक्कर होणार आहे. त्यामुळे या चित्रपटांना प्रेक्षकांची पसंती मिळेल की नाही? या प्रश्नाचं उत्तर लवकरच मिळेल.
डॉक्टर जी (Doctor G)
डॉक्टर जी या चित्रपटात स्त्रीरोग तज्ज्ञच्या आयुष्यात येणाऱ्या अडचणी दाखवण्यात येणार आहेत. विनीत जैन यांनी या चित्रपटाची निर्मिती केली आहे. या चित्रपटात आयुष्मान आणि रकुल प्रीत सिंह यांची केमिस्ट्री पाहण्यासाठी प्रेक्षक उत्सुक आहेत. अनुभूती कश्यप यांनी या चित्रपटाचं दिग्दर्शन केलं आहे. अभिनेत्री शेफाली शहा देखील या चित्रपटात महत्त्वाची भूमिका साकारणार आहे.
'मोदी जी की बेटी' (Modi Ji Ki Beti)
'मोदी जी की बेटी' या सिनेमाच्या दिग्दर्शनाची धुरा एडी (Eddy Singh) सिंहने सांभाळली आहे. अवनी मोदी ही या चित्रपटात प्रमुख भूमिका साकारणार आहे. या चित्रपटाची प्रेक्षक उत्सुकतेने वाट बघत होते. हा चित्रपट बॉक्स ऑफिसवर धुमाकूळ घालेन की नाही? या प्रश्नाचं उत्तर लवकरच प्रेक्षकांना मिळेल.
लव्ह यू लोकतंत्र (Love You Loktantra)
अभय निहलानी यांनी या चित्रपटाचं दिग्दर्शन केलं आहे. कृष्णा अभिषेक, अली असगर, सपना चौधरी यांनी यांनी चित्रपटामध्ये प्रमुख भूमिका साकरली आहे.
'कोड :नाम तिरंगा' (Code Name: Tiranga)
परिणीती चोप्रा तिच्या अभिनयानं नेहमीच प्रेक्षकांची मनं जिंकते. बऱ्याच वर्षाच्या ब्रेकनंतर आता परिणीती पुन्हा एकदा मोठ्या पडद्यावरुन प्रेक्षकांच्या भेटीस येत आहे. 'कोड :नाम तिरंगा' हा अॅक्शन पॅक चित्रपट आज प्रेक्षकांच्या भेटीस येत आहे. हा चित्रपट अवघ्या 100 रुपयांमध्ये पाहता येणार आहे. परिणीती आणि हार्डी संधूच्या या चित्रपटाच्या तिकिटांची किंमत कमी करण्यात आली आहे, ज्यामुळे तो आता केवळ 100 रुपयांमध्ये प्रेक्षकांना पाहता येणार आहे.
या चित्रफटांबरोबरच कर्टूट, कहानी रबर बँड की, अय्या जिंदगी, मिड डे मील, जग्गू की लालटेन आणि कांतारा हे चित्रपट देखील आज प्रेक्षकांच्या भेटीस येणार आहेत.
वाचा इतर महत्त्वाच्या बातम्या: