Mitali Mayekar: अभिनेता सिद्धार्थ चांदेकरच्या (Siddharth Chandekar) आईनं काही दिवसांपूर्वी दुसरं लग्न केलं. सिद्धार्थनं याबाबत सोशल मीडियाच्या माध्यमातून चाहत्यांना दिली. सिद्धार्थ आणि त्याची पत्नी मिताली मयेकर (Mitali Mayekar) यांनी सोशल मीडियावर सीमा चांदेकर यांच्या लग्नसोहळ्याचे काही फोटो शेअर केले. त्यांनी शेअर केलेल्या फोटोंनी अनेकांचे लक्ष वेधले.
नुकताच मितालीनं एक खास व्हिडीओ सोशल मीडियावर शेअर केला आहे. या व्हिडीओमध्ये मिताली ही तिच्या सासूबाईंना जोडवी घालताना दिसत आहे. सीमा चांदेकर यांच्या पायांमध्ये जोडवी घालताना मिताली भावूक झालेली दिसत आहे. हा व्हिडीओ शेअर करुन तिनं कॅप्शनमध्ये लिहिलं, 'माझ्यासाठी तो सर्वात चांगला क्षण होता.'
पाहा व्हिडीओ:
मितालीनं सीमा चांदेकर यांच्या लग्नसोहळ्याचे काही फोटो देखील शेअर केले होते. या फोटोला तिनं कॅप्शन दिलं, 'Happy married life सासूबाई! माझ्या सासूचं लग्न! किती सूना हे म्हणू शकतात की मी माझ्या सासूच्या लग्नात हजर होते?खरंच मला अभिमान वाटते तुझा की हा एव्हढा मोठ्ठा निर्णय तू अगदी न डगमगता घेतलास. मला अभिमान वाटतो तुझ्या मुलाचा की तो सुद्धा खंबीरपणे तुझ्या पाठीशी उभा राहिला. आणि मला अभिमान वाटतो या एका अतिशय कमाल कुटुंबाचा एक भाग असण्याचा.'
पुढे तिनं कॅप्शनमध्ये लिहिलं, 'आजवर तू आमच्या सगळ्यांसाठी सगळं अगदी मनापासून केलंस. पण आता स्वतःसाठी जगण्याची वेळ आलीये. अशीच कायम आनंदात राहा, हसत राहा. बाकी आम्ही मुलं तुझ्यासोबत आहोतच.
तुला आणि नितिन काकांना खूप खूप शुभेच्छा आणि खूप खूप प्रेम.'
सिद्धार्थनं देखील त्याच्या आईच्या लग्नसोहळ्यातील फोटो सोशल मीडियावर शेअर केले होते.
मितालीनं 2021 मध्ये अभिनेता सिद्धार्थ चांदेकरसोबत (Siddharth Chandekar) लग्नगाठ बांधली. सिद्धार्थ आणि मिताली हे एकमेकांसोबतचे फोटो सोशल मीडियावर शेअर करत असतात.
इतर महत्वाच्या बातम्या: