Merry Christmas Box Office Collection Day 1: अभिनेत्री कतरिना कैफ (Katrina Kaif) आणि अभिनेता विजय सेतुपती (Vijay Sethupathi) यांचा 'मेरी ख्रिसमस' (Merry Christmas) हा चित्रपट काल (12 जानेवारी) चित्रपटगृहात प्रदर्शित झाला आहे. श्री राम राघवन दिग्दर्शित या सस्पेन्स आणि थ्रिलर चित्रपटाची चाहते आतुरतेने वाट पाहत होते.या चित्रपटात विजय आणि कतरिना ही जोडी पहिल्यांदाच मोठ्या पडद्यावर प्रेक्षकांना पाहायला मिळत आहे. या चित्रपटाचं अनेक कलाकारांनी देखील कौतुक केलं. पण बॉक्स ऑफिसवर या चित्रपटाची संथ गतीनं सुरुवात झाली आहे. जाणून घेऊयात या चित्रपटाचं पहिल्या दिवसाचं बॉक्स ऑफिस कलेक्शन...
'मेरी ख्रिसमस' चं पहिल्या दिवसाचं कलेक्शन (Merry Christmas Box Office Collection Day 1)
Sacnilk च्या अहवालानुसार, मेरी ख्रिसमस या चित्रपटानं रिलीजच्या पहिल्या दिवशी 2.55 कोटींची कमाई केली आहे. आता या वीकेंडला म्हणजेच आज आणि उद्या या चित्रपटाच्या कमाईत वाढ होईल, असा अंदाज लावला जात आहे.
मेरी ख्रिसमस' चित्रपटातील कलाकार
मेरी ख्रिसमस या चित्रपटामध्ये कतरिना आणि विजय यांच्यासोबतच राधिका आपटे, आदिती गावेकर, टिनू आनंद, संजय कपूर आणि विनय पाठक या कलाकारांनी देखील काम केलं आहे. या चित्रपटात राधिकाचा कॅमिओ आहे. कतरिना कैफ आणि विजय सेतुपती यांची जोडी या चित्रपटाच्या माध्यमातून पहिल्यांदाच मोठ्या पडद्यावर पाहायला मिळत आहे. चित्रपटात दोघेही एकमेकांसोबत रोमान्स करताना दिसत आहेत. चित्रपटातील कतरिना आणि विजयच्या रोमँटिक अंदाजानं अनेकांचे लक्ष वेधले आहे.
काय आहे चित्रपटाची कथा?
मेरी ख्रिसमस हा चित्रपट अल्बर्ट (विजय) आणि मारिया (कतरिना कैफ) या दोन अनोळखी लोकांची कथा मांडतो, जे नकळत एकमेकांना भेटतात आणि काही घटनांच्या भोवऱ्यात अडकतात. श्रीराम राघवन यांचा हा चित्रपट असताना रोलर-कोस्टर राइडसारखा आहे. अल्बर्ट आणि मारिया यांच्या आयुष्यात काय-काय घडते? हे पाहण्यासाठी तुम्हाला चित्रपट बघावा लागेल. हा चित्रपट प्रेक्षकांची उत्सुकता शेवटपर्यंत ताणून धरतो. आता वीकेंडला हा चित्रपट किती कमाई करणार? याकडे अनेकांचे लक्ष लागले आहे.
वाचा इतर महत्वाच्या बातम्या: