मुंबई : बॉलिवूडमधील सूपर हॉट अभिनेत्री मलायका अरोरा (Malaika Arora) अनेकदा तिच्या रिल लाईफपेक्षा वैयक्तिक आयुष्यामुळे जास्त चर्चेत असते. मलायका अनेकदा तिच्या नात्याबद्दल उघडपणे बोलताना दिसते. मलायकाने घटस्फोटानंतर तिच्या आणि अरबाजच्या नात्याबाबत एका मुलाखतीतल खुलासा केला होता. अभिनेत्री मलायका अरोरा हिने एकदा करीना कपूरच्या रेडिओ टॉक शोमध्ये अरबाजसोबतच आयुष्य आणि घटस्फोटाबाबत चर्चा केली होती. मलायकाने त्यावेळी सांगितलं होतं की, अरबाज खानसोबतचं लग्नात आणि त्यांचं नातं घटस्फोटापर्यंत येताना ती कोणत्या परिस्थितीतून जात होती.
"आम्ही एकमेकांना कंटाळलो होतो"
अभिनेत्री मलायका अरोरा ने मुलाखतीत सांगितलं होतं की, 'आम्ही एकमेकांना कंटाळलो होतो. आम्ही एकमेकांवर नाराज होतो. त्या परिस्थितीत आम्ही फक्त दोन लोक होतो जे एकमेकांच्या भावना दुखावत होतो. पण, त्याचा परिणाम आमच्या आयुष्यासोबतच आमच्या आजूबाजूला असणाऱ्या लोकांवर आणि कुटुंबावरही होत होता.
मलायकानं अरबाजसोबतच्या नात्याबाबत केला होता खुलासा
मलायकाने पुढे सांगितलं की, अरबाज खानसोबत घटस्फोट घेतल्यानंतर आता तिचा मुलगा अरहाननेही परिस्थिती स्वीकारली आहे. मलायका अरोरा म्हणाली, 'घटस्फोटानंतर अरहानला माझ्या आणि अरबाजमधील फरक जाणवला की, आम्ही दोघेही आनंदी आहोत.' घटस्फोटानंतर काही महिन्यांनी अरहान मला म्हणाला, 'आई, तू आता खूप आनंदी दिसत आहेस.'
अरबाज खानपासून घटस्फोट घेतल्यानंतर मलायका अरोरा अभिनेता अर्जुन कपूरसोबत रिलेशनमध्ये आहेत. दोघेही बऱ्याच दिवसांपासून एकमेकांना डेट करत आहेत. दरम्यान, मीडिया रिपोर्टनुसार, या दोघांच्या नात्यात दुरावा आल्याचं सांगितलं जातं आहे. दोघांनी परस्पर सहमती ब्रेकअप केल्याची बोललं जात आहे. मात्र, अद्याप दोघांनीही याबाबत अधिकृत वक्तव्य केलेले नाही.
अरबाज खाननं केलं दुसरं लग्न
मलायका अरोरापासून विभक्त झाल्यानंतर अरबाज खानने 2023 मध्ये मेकअप आर्टिस्ट शूरा खानशी दुसरं लग्न केले. दोघेही खूप दिवसांपासून एकमेकांना डेट करत होते. सध्या दोघेही त्यांच्या वैवाहिक जीवनात आनंदी आहेत आणि दररोज सोशल मीडियावर रोमँटिक फोटो शेअर करत असतात.
महत्त्वाच्या इतर बातम्या :