Namrata Shirodkar: अभिनेत्री नम्रता शिरोडकर (Namrata Shirodkar) ही बॉलिवूडमधील प्रसिद्ध होती. नम्रतानं अनेक प्रसिद्ध सेलिब्रिटींसोबत स्क्रिन शेअर केली. तिनं काही हिट चित्रपटांमध्ये देखील काम केलं. नम्रतानं फेब्रुवारी 2005 मध्ये दाक्षिणात्य चित्रपटसृष्टीतील प्रसिद्ध अभिनेता महेश बाबूसोबत (Mahesh Babu) लग्नगाठ बांधली. त्यानंतर ती रुपेरी पडद्यावर दिसली नाही. नुकत्याच एका मुलाखतीमध्ये नम्रता शिरोडकरनं अभिनय क्षेत्र सोडण्यामगचं कारण सांगितलं.
एका तेलगू युट्यूब चॅनलला दिलेल्या मुलाखतीमध्ये नम्रतानं तिच्या करिअरबाबत तसेच वैयक्तिक आयुष्याबाबत सांगितलं. ती म्हणाली, 'महेशचा विचार स्पष्ट होता. त्याला काम न करणारी म्हणजेच नॉन वर्किंग पत्नी पाहिजे होती. जरी मी एखाद्या ऑफिसमध्ये काम करत असले असते, तरी देखील महेशनं मला काम सोडायला सांगितलं असतं. '
पुढे ती म्हणाली, 'आम्ही दोघेही खूप क्लिअर होतो. आम्ही लग्न झाल्यानंतर एका अपार्टमेंटमध्ये शिफ्ट झालो. मी मुंबईला राहात होते मला माहित नव्हते की मी या मोठ्या बंगल्यांमध्ये राहू शकते की नाही. मला भीती वाटायची म्हणून तो माझ्यासोबत एका अपार्टमेंटमध्ये गेला. माझी अट होती की, जर मी हैद्राबादला येणार तर मी अपार्टमेंटमध्ये राहणार. त्याचप्रमाणे, मला महेश बाबूनं मला सांगितलं, काम करायचे नाही. त्यामुळेच मी माझ्या सर्व चित्रपटांचे शूटिंग पूर्ण करण्यासाठी थोडा वेळ घेतला.'
वास्तव, पुकार, कच्चे धागे, हेरा फेरी यांसारख्या चित्रपटांमध्ये नम्रतानं काम केलं आहे.
वाचा इतर महत्वाच्या बातम्या:
Mahesh Babu, Bill Gates : साऊथ सुपरस्टार महेश बाबूने घेतली बिल गेट्सची भेट! फोटो शेअर करत म्हणाला...