Maharashtra Shahir : औरंगाबादेत नुकतीच राज ठाकरेंची (Raj Thackeray) सभा पार पडली असून या सभेत केदार शिंदेंच्या (Kedar Shinde) आगामी सिनेमाचे मोशन पोस्टर लॉंच करण्यात आले. 'महाराष्ट्र शाहीर' (Maharashtra Shahir) असे या सिनेमाचे नाव आहे.
'महाराष्ट्र शाहीर' या सिनेमात अंकुश चौधरी मुख्य भूमिकेत आहे. सिनेमात अंकुश शाहीर साबळेंच्या भूमिकेत दिसणार आहे. 'महाराष्ट्र शाहीर' या सिनेमाचे दिग्दर्शन शाहीर साबळे यांचा नातू आणि लोकप्रिय दिग्दर्शक केदार शिंदे करणार आहे. तर पटकथा आणि संवाद प्रतिमा कुलकर्णी यांनी लिहिले आहेत. महाराष्ट्र शाहिराचा प्रेरणादायी जीवनपट महाराष्ट्राला अर्पण होणार आहे. 28 एप्रिल 2023 रोजी हा सिनेमा प्रेक्षकांच्या भेटीला येणार आहे.
केदार शिंदे या सिनेमावर गेली अनेक वर्ष काम करत आहेत. 'जय जय महाराष्ट्र माझा', 'जेजुरीच्या खंडेराया', 'या गो दांड्यावरून' ही शाहिरांची अजरामर गाणी चित्रपटात असणार आहेत. प्रेक्षक या सिनेमासाठी खूप उत्सुक आहेत. शाहीर साबळे यांचा जीवनपट त्यांच्या जन्मशताब्दी वर्षात 2023 मध्ये सिनेमागृहात प्रदर्शित होणार आहे.
संबंधित बातम्या