Madhuri Dixit : बॉलिवूड अभिनेत्री माधुरी दीक्षितचे (Madhuri Dixit) पती आणि डॉक्टर श्रीराम नेने यांनी टाटाची नवीन इलेक्ट्रिक कार खरेदी केली आहे. श्रीराम नेने यांनी खरेदी केलेल्या ईव्ही कारचे नाव टाटा नेक्सॉन ईव्ही (Tata Nexon EV) असे आहे. या करची किंमत 17 लाख आहे.
डॉक्टर श्रीराम नेने यांनी सोशल मीडियावर व्हिडीओ शेअर करत नवीन इलेक्ट्रिक कार खरेदी केली असल्याची माहिती चाहत्यांना दिली आहे. टाटा नेक्सॉन ईव्ही ही कार भारतात लॉंच झालेली आहे. माधुरी दीक्षित नुकतीच 'फेम गेम' या वेबसीरिजमध्ये दिसली होती.
याआधीदेखील माधुरी दीक्षित चर्चेत आली होती. माधुरी दीक्षित आणि तिच्या पतीने नवीन घर भाड्याने घेतले होते.रिपोर्ट्सनुसार, या घराचे भाडे 12.5 लाख रुपये प्रति महिना आहे. माधुरीचे हे घर वरळीत 29 व्या मजल्यावर आहे. माधुरी 1999 साली डॉ श्रीराम नेने यांच्यासोबत लग्नबंधनात अडकली होती.
प्रशस्त आणि आलिशानही!
माधुरी दीक्षितने तिच्या अधिकृत इंस्टाग्राम स्टोरीवर तिच्या नवीन घराची झलक शेअर केली होती. घराचे आतील भाग अतिशय सुंदर आहेत. तिच्या घरातील लिव्हिंग रूम पलंग आणि टेबलांसह खूप प्रशस्त आणि आलिशान दिसतो आहे. यात एक मोठी खिडकी आहे, जी पांढऱ्या तलम पडद्यांनी झाकलेली आहे आणि त्याच्या शेजारी एक टेबल आणि दोन खुर्च्या ठेवण्यात आल्या आहेत.
संबंधित बातम्या