Kiara Advani Joins Hrithik Roshan Jr NTR War 2 : बॉलिवूड अभिनेत्री कियारा आडवाणीचा (Kiara Advani) 'सत्यप्रेम की कथा' हा सिनेमा प्रेक्षकांच्या भेटीसाठी सज्ज आहे. दरम्यान अभिनेत्रीसंदर्भात एक महत्त्वाची माहिती समोर आली आहे. 'वॉर 2' या बहुचर्चित सिनेमात कियारा आडवाणीची एन्ट्री झाली आहे. या सिनेमात ती ऋतिक रोशन (Hrithik Roshan) आणि ज्युनियर एनटीआरसोबत (Jr NTR) दिसणार आहे.
'वॉर' हा सिनेमा प्रेक्षकांच्या पसंतीस उतरला होता. तेव्हापासून चाहते या सिनेमाच्या दुसऱ्या भागाची प्रतीक्षा करत होते. लवकरच हा सिनेमा प्रेक्षकांच्या भेटीला येणार आहे. या सिनेमात ऋतिक रोशन, ज्युनियर एनटीआरसोबत कियारा आडवाणीला पाहण्यासाठी चाहते उत्सुक आहेत.
'वॉर 2'मध्ये कियारा आडवाणीची एन्ट्री
गेल्या काही दिवसांपूर्वी 'वॉर 2' या बहुचर्चित सिनेमात कियारा आडवाणी झळकणार असल्याची शक्यता वर्तवली जात होती. यशराजच्या बॅनरअंतर्गत या सिनेमाची निर्मिती होत आहे. यशराजने आजव एक था टायगर, टायगर जिंदा है, वॉर आणि पठाणसारखे ब्लॉकबस्टर सिनेमांची निर्मिती केली आहे.
अयान मुखर्जी दिग्दर्शित 'वॉर 2'
'वॉर 2' या सिनेमाच्या दिग्दर्शनाची धुरा अयान मुखर्जीने सांभाळली आहे. या सिनेमानंतर ते 'ब्रह्मास्त्र 2' आणि 'ब्रह्मास्त्र 3'च्या शूटिंगला सुरुवात करणार आहेत. अयान मुखर्जी दिग्दर्शित 'वॉर 2' या सिनेमाची प्रेक्षक आतुरतेने वाट पाहत आहेत.
'वॉर 2' कधी येणार प्रेक्षकांच्या भेटीला? (War 2 Release Date)
ऋतिक रोशन आणि ज्युनियर एनटीआरचा आगामी 'वॉर 2' हा बहुचर्चित सिनेमा 25 जानेवारी 2025 रोजी प्रेक्षकांच्या भेटीला येणार आहे. या सिनेमात प्रेक्षकांना अॅक्शनसह नाट्य पाहायला मिळणार आहे. यशराज फिल्म्सच्या स्पाय सुनिव्हर्समधील हा आगामी सिनेमा आहे. या सिनेमात ज्युनियर एनटीआर आणि ऋतिक रोशन एकमेकांसोबत भिडताना दिसणार आहेत.
सलमानच्या 'Tiger 3' नंतर प्रदर्शित होणार 'वॉर 2'
यशराज फिल्मच्या बॅनरअंतर्गत निर्मिती होत असलेला सलमान खानचा (Salman Khan) 'टायगर 3' (Tiger 3) हा सिनेमा यावर्षी प्रेक्षकांच्या भेटीला येणार आहे. या सिनेमानंतर 'वॉर 2' (War 2) हा सिनेमा प्रदर्शित होणार आहे. बॉक्स ऑफिसवर 'वॉर 2' चांगलाच गल्ला जमवणार असे म्हटले जात आहे.
संबंधित बातम्या