Kota Factory 3: अभिनेता जितेंद्र कुमारच्या (Jitendra Kumar) कोटा फॅक्ट्री या वेब सीरिजला प्रेक्षकांची पसंती मिळाली. या सीरिजच्या नव्या सीझनची घोषणा करण्यात आली आहे. कोटा फॅक्ट्री-3 ही सीरिज लवकरच प्रेक्षकांच्या भेटीस येणार आहे. नुकताच नेटफ्लिक्सच्या इन्स्टाग्राम अकाऊंटवरुन कोटा फॅक्ट्री-3 (Kota Factory 3) सीरिजचा एक व्हिडीओ सोशल मीडियावर शेअर केला. हा व्हिडीओ पाहिल्यानंतर आता प्रेक्षक या सीरिजची उत्सुकतेने वाट बघत आहेत.
जितेंद्र कुमारसोबतच मयूर मोरे, रंजन राज, आलम खान, अहसास चन्ना हे कलाकार देखील कोटा फॅक्ट्री- 3 मध्ये प्रमुख भूमिका साकारणार आहेत. कोटा फॅक्ट्री-3 ची रिलीज डेट अजून जाहीर करण्यात आलेली नाही पण 17 जुलैला ही वेब सीरिज प्रेक्षकांच्या भेटीस येईल, असा अंदाज काही लोकांकडून लावला जात आहे. कोटा फॅक्ट्री-3 चा टीझर ब्लॅक अँड व्हाईटमध्ये दिसत आहे.
पाहा टीझर
कोटा फॅक्टरीच्या पहिल्या सीझनला प्रेक्षकांनी डोक्यावर उचलून धरले होते. त्यामुळे जितेंद्र कुमार एका रात्रीच लोकप्रिय झाला होता. पहिल्या सीझननंतर दुसऱ्या सीझनला देखील प्रेक्षकांची पसंती मिळाली. आता या सीरिजच्या तिसऱ्या सिझनची प्रेक्षक उत्सुकतेने वाट बघत आहेत.
जितेंद्र कुमारचे प्रोजेक्ट्स
जितेंद्र कुमारच्या कोटा फॅक्ट्री या सीरिजला आणि चमन बहार या चित्रपटाला देखील प्रेक्षकांची पसंती मिळाली. तसेच आयुष्मान खुराणाच्या शुभ मंगल ज्यादा सावधान या चित्रपटामध्ये देखील जितेंद्रनं प्रमुख भूमिका साकारली. तसेच त्याच्या पंचायत सीरिच्या पहिल्या सीझनला प्रेक्षकांची विशेष पसंती मिळाली. या सीरिजमधील कलाकारांचा अभिनय आणि सीरिजचे कथानक या गोष्टींनी प्रेक्षकांचं लक्ष वेधलं. या सीरिजचा दुसरा पार्ट देखील प्रेक्षकांच्या भेटीस आला. पंचायत (Panchayat) या कॉमेडी ड्रामा वेबसीरीजमध्ये जितेंद्र कुमार (Jitendra Kumar), रघुवीर यादव आणि नीना गुप्ता यांनी प्रमुख भूमिका साकारली आहे.
वाचा इतर महत्वाच्या बातम्या: