Jhimma 2 Box Office Collection Day 2 : 'झिम्मा' (Jhimma) या चित्रपटाच्या यशानंतर झिम्मा-2 (Jhimma 2) हा चित्रपट 24 नोव्हेंबर रोजी प्रेक्षकांच्या भेटीला आला आहे. या चित्रपटाचं अनेक जण कौतुक करत आहेत. चित्रपटाला प्रेक्षकांचा चांगला प्रतिसाद मिळत आहे. या चित्रपटानं ओपनिंग-डेला कोट्यवधींची कमाई केली आहे. आता रिलीजच्या दुसऱ्या दिवशी या चित्रपटानं किती कमाई केली? याबाबत जाणून घेऊयात...
झिम्मा-2 चं बॉक्स ऑफिस कलेक्शन
Sacnilk च्या Early Estimates नुसार झिम्मा-2 या चित्रपटानं रिलीजच्या दुसऱ्या दिवशी 2.25 कमाई केली आहे. या चित्रपटानं ओपनिंग-डेला 1.2 कोटींची कमाई केली होती. आता दोन दिवसात या चित्रपटानं जवळपास 3.45 कोटींची कमाई केली.
झिम्मा-2 ची स्टार कास्ट
झिम्मा-2 या चित्रपटात सुहास जोशी, सिद्धार्थ चांदेकर, निर्मिती सावंत, क्षिती जोग, सुचित्रा बांदेकर,सयाली संजीव,शिवानी सुर्वे, रिंकू राजगुरु यांनी काम केलं आहे.या चित्रपटाचं दिग्दर्शन हेमंत ढोमेनं केलं आहे.झिम्मा-2 या चित्रपटातील कलाकारांच्या अभिनयाचं अनेकजण कौतुक करत आहेत. चित्रपटामधील 'मराठी पोरी' या गाण्याला देखील प्रेक्षकांची पसंती मिळत आहे. अनेक नेटकरी या गाण्यावर रिल्स तयार करत आहेत. या गाण्यात 'इंदू'च्या 75 व्या वाढदिवसाचे सेलिब्रेशन दाखवण्यात आलं आहे.
सोनाली आणि मृण्मयी झिम्मा-2 का नाहीत?
झिम्मा चित्रपटात सोनाली कुलकर्णी आणि मृण्मयी गोडबोले यांनी देखील काम केलं होतं. पण त्या झिम्मा-2 चित्रपटात नाहीयेत. याचं कारण काय आहे? याबाबत विचारण्यात आल्यानंतर लोकसत्ताला दिलेल्या मुलाखतीमध्ये हेमंतनं सांगितलं की, "झिम्मा चित्रपटात सोनालीनं साकारलेलं पात्र मैथिली आणि मी साकारलेलं पात्र निखिल यांच्या गोष्टीचा शेवट गोड करण्यात आला होता. उगाच मला त्यात ड्रामा क्रिएट करायचा नव्हता. ओढून ताणून मला त्यात हवा भरायची नव्हती. तसेच रमाच्या बाबतीत आम्हाला वाटलं की, ती पहिल्या भागात ती सारखं मुलं व्हावं याबद्दल बोलत असते. त्याचं कनेक्शन देखील तुम्हाला झिम्मा-2 मध्ये दिसेल पण, जर प्रेक्षकांचे प्रेम लाभलं, तर आम्ही झिम्मा-3 बनवू आणि त्यात त्या दिसतील."
संबंधित बातम्या: