Shahid Kapoor Film Jersey : बॉलिवूड अभिनेता शाहिद कपूरने (Shahid Kapoor) सोशल मीडियावर त्याच्या आगामी 'जर्सी' (Jersey) सिनेमाचे पोस्टर प्रदर्शित केले आहे. या सिनेमाचा ट्रेलर 23 नोव्हेंबरला प्रदर्शित करण्यात येणार आहे. तर सिनेमा 31 डिसेंबरला सिनेमागृहात प्रदर्शित होणार आहे. शाहिद कपूरच्या 'जर्सी' सिनेमाची प्रेक्षक गेले अनेक दिवस प्रतीक्षा करत होते.
शाहिद कपूरने त्याच्या अधिकृत इंस्टाग्राम अकाउंटवर 'जर्सी' सिनेमाचे पोस्टर शेअर केले आहे. सिनेमाच्या पोस्टरमध्ये पांढऱ्या रंगाची 'जर्सी' घातलेला एक क्रिकेटर स्टेडियममध्ये क्रिकेटची बॅट हवेत फिरवताना दिसत आहे. शाहिद कपूरने सिनेमाचे पोस्टर शेअर करत कॅप्शनमध्ये लिहिले आहे,"हा सिनेमा खूप जवळचा आहे. या सिनेमाच्या प्रदर्शनासाठी दोन वर्षे वाट पाहिली आहे. हा सिनेमा लाखो प्रेक्षकांच्या हृदयाला स्पर्श करण्यात यशस्वी ठरणार आहे".
बॉलिवूड अभिनेता शाहिद कपूरने सिनेमाच्या पोस्टरसोबत त्याच्या भावनादेखील व्यक्त केल्या आहेत. शाहिदने लिहिले आहे,"या सिनेमाची दोन वर्ष वाट पाहिली आहे. या सिनेमाची कथा खास आहे. या सिनेमाची टीम खास आहे, या सिनेमातील पात्र खास आहे. आम्ही ते मोठ्या पडद्यावर आपल्या सर्वांसोबत शेअर करणार आहोत ही वस्तुस्थिती आहे. कृतज्ञता व्यक्त करण्यासाठी माझ्याकडे शब्द नाहीत".
'जर्सी' सिनेमात शाहिद कपूर एका क्रिकेटरचे पात्र साकारणार आहे. या सिनेमाचे दिग्दर्शन गौतम तिन्ननुरीने केले आहे. सिनेमात पंकज कपूरसोबत मृणाल ठाकूरदेखील मुख्य भूमिकेत असणार आहे.
संबंधित बातम्या
David Beckham सोबत मौनी रॉय आणि मृणाल ठाकुरने शेअर केले खास फोटो, रणवीर सिंहची कमेंट व्हायरल
kamal haasan Covid Positive: दाक्षिणात्य सुपरस्टार कमल हासनला कोरोनाची लागण
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha