मुंबई : बॉलिवूड अभिनेत्री श्रीदेवी यांना बुधवारी शासकीय इतमामात अखेरचा निरोप देण्यात आला. श्रीदेवी यांच्या अंत्यदर्शनासाठी बॉलिवूडचे दिग्गज कलाकार उपस्थित होते. श्रीदेवी यांची मोठी मुलगी जान्हवी कपूरने आईच्या निधनानंतर पहिल्यांदा आपल्या भावना जाहीर केल्या आहेत. जान्हवीने आईला उद्देशून एक हृदयस्पर्शी पत्र लिहिलं आहे. माझी आई संपूर्ण कुटुंबाची ताकद होती, कुटुंबाची जबाबदारी योग्यरित्या सांभाळत असे, असं जान्हवीने पत्रात म्हटलं आहे. तसंच पत्रात जान्हवीने सगळ्यांच्या पाठिंब्यासाठी आणि प्रेमासाठी आभारही मानले आहेत.
...म्हणून श्रीदेवीच्या पार्थिवावर शासकीय इतमामात अंत्यसंस्कार झाले!
जान्हवी कपूरची इन्स्टाग्राम अकाऊंटवरील पोस्ट "वाढदिवसाच्या निमित्ताने मी तुम्हा सर्वांना सांगू इच्छिते...तुमच्या आई-वडिलांवर नितांत प्रेम करा. त्यांना समजून घ्या आणि त्यांच्याबद्दल समर्पित भावना ठेवा. माझ्या आईला तुम्ही प्रेमपूर्वक लक्षात ठेवा. तिच्या आत्म्याला शांती लाभो यासाठी प्रार्थना करा. माझ्या आईच्या आयुष्यातील सर्वात महत्त्वाची गोष्ट प्रेम हीच होती, जी ती माझे वडील बोनी कपूर यांच्यासोबत नेहमी शेअर करायची. तिचं प्रेम अमूल्य होतं. या दोघांच्या प्रेमाची तुलना जगात दुसऱ्या कशासोबतही होऊ शकत नाही. त्याचा आदर करा. त्यांच्या प्रेमाला कुणी गालबोल लावण्याचा प्रयत्न करेल, ही कल्पना करुनही खूप त्रास होतो. त्यांच्या प्रेमाचं पावित्र्य राखा. फक्त आईसाठीच नाही तर माझ्या बाबांसाठीही. मी आणि खुशीने आई गमावली आहे, पण माझ्या बाबांनी त्यांचं सर्वस्व गमावलं आहे. माझी आई एक गुणी अभिनेत्री, चांगली आई आणि आदर्श पत्नी तर होतीच, पण त्यापलिकडे ती उत्तम माणूस होती. तिने प्रत्येक भूमिका चोख वठवली. तिने इतरांना प्रेम दिलं आणि बदल्यात तिला प्रेम मिळत गेलं. द्वेष, तिरस्कार या गोष्टींचा तिच्यावर कधीही परिणाम झाला नाही. प्रेम हीच जगातील शाश्वत गोष्ट आहे. तेव्हा प्रेम करत राहा. तुम्ही दिलेल्या पाठिंब्यामुळेच आम्ही या कठीण प्रसंगात स्वत:ला सावरु शकलो." संबंधित बातम्या प्रसिद्ध अभिनेत्री श्रीदेवी यांचं यूएईमध्ये निधन लेकीची बॉलिवूडमधली 'धडक' पाहण्यापूर्वी 'मॉम'ची एक्झिट 'रुप की रानी' श्रीदेवी यांची चित्रपट कारकीर्द बिग बींना श्रीदेवीच्या निधनाची कुणकुण? श्रीदेवींचा अखेरचा चित्रपट ऑक्टोबरमध्ये झळकणार श्रीदेवींचं पार्थिव भारतात पाठवण्यासाठी अहोरात्र मदत करणारा भारतीय उद्योजक गेल्या 22 वर्षांचा तिरस्कार विसरुन अर्जुन कपूर कुटुंबासोबत! श्रीदेवी यांच्या पार्थिवावर विलेपार्ले स्मशानभूमीत अंत्यसंस्कार श्रीदेवीचा मृत्यू संशयास्पद, पुन्हा शवविच्छेदन व्हावं : एस. बालाकृष्णन श्रीदेवीचे पती बोनी कपूर यांना दुबई पोलिसांकडून क्लीनचिट श्रीदेवीच्या मृत्यूप्रकरणी बोनी कपूरची दुबई पोलिसांकडून चौकशी
श्रीदेवींच्या मृत्यूने धक्का, मला जगावंसं वाटत नाहीय : राखी सावंत श्रीदेवी यांचा बाथटबमध्ये बुडून मृत्यू, शरीरात दारुचे अंश आढळले
श्रीदेवी बॉलिवूडमधल्या अघोरी स्पर्धेची बळी? हृदयविकाराच्या झटक्यानेच श्रीदेवींचा मृत्यू : सूत्र
नवा दावा - श्रीदेवींना बाथटबमध्ये बेशुद्ध अवस्थेत हॉटेल स्टाफने पाहिलं!
श्रीदेवींची शेवटची 30 मिनिटं!