IB 71 Teaser Release: बॉलिलूडमधील प्रसिद्ध अभिनेता विद्युत जामवालच्या (Vidyut Jammwal) आगामी चित्रपटांची प्रेक्षक उत्सुकतेने वाट बघत असतात. त्याचा IB 71 हा चित्रपट लवकरच प्रेक्षकांच्या भेटीस येणार आहे. विद्युतने इन्स्टाग्रामवर या चित्रपटाची रिलीज डेट जाहीर केली आहे. तसेच या चित्रपटाचा टीझर देखील रिलीज झाला आहे. या टीझरमध्ये एका मराठमोळ्या अभिनेत्याची झलक देखील दिसत आहे.
IB 71 चित्रपटाच्या 47 सेकंदाच्या टीझरमध्ये अभिनेते अनुपम खेर हे विद्युत जामवालसोबत एका सिक्रेट मिशनची प्लॅनिंग करताना दिसत आहेत. या टीझरमध्ये मराठमोळा अभिनेता सुव्रत जोशीची (Suvrat Joshi) झलक दिसत आहे. सुव्रत या चित्रपटाच्या माध्यमातून बॉलिवूडमध्ये पदार्पण करत आहे.
चित्रपट कधी होणार रिलीज?
IB 71 हा चित्रपट 12 मे रोजी प्रेक्षकांच्या भेटीस येणार आहे. या चित्रपटाचं दिग्दर्शन संकल्प रेड्डी यांनी केलं आहे. चित्रपटात अश्वथ भट्ट देखील काम करणार आहेत. याआधी त्यांनी हैदर, राजी और लम्हा: द अनटोल्ड स्टोरी ऑफ कश्मीर या चित्रपटांमध्ये काम केलं आहे. आयबी 71 या चित्रपटाचे कथानक हे सत्य घटनेवर आधारित असणार आहे, असं म्हटलं जात आहे.
पाहा टीझर
सुव्रत बॉलिवूडमध्ये करणार पदार्पण
सुव्रतनं सोशल मीडियावर पोस्ट शेअर करुन IB 71 या चित्रपटाबद्दल माहिती दिली होती. त्यानं या पोस्टमध्ये लिहिलं, 'माझी पहिली हिंदी फिचर फिल्म! टॉप सिक्रेट इज आऊट, भारताचे सर्वात गोपनीय मिशन ज्यामुळे 1971 चे युद्ध जिंकता आले. IB 71 12 मे 2023 रोजी येणार प्रेक्षकांच्या भेटीस. टीझर रिलीज झाला आहे.' सुव्रतच्या या पोस्टला कमेंट करुन अनेकांनी त्याचं कौतुक केलं आहे.
काही दिवसांपूर्वी अनुपम खेर यांनी IB 71 या चित्रपटाच्या शूटिंग दरम्यानचा फोटो सोशल मीडियावर शेअर केला होता. अनुपम खेर यांनी विद्युतसोबतचा फोटो शेअर करून कॅप्शनमध्ये लिहिले, 'माझ्या 523 व्या चित्रपटाच्या शूटिंगला मी सुरूवात करत आहे. द गाझी अटॅक फेम संकल्प रेड्डी या चित्रपटाचे दिग्दर्शन करणार आहेत. विद्युत जामवाल यांची अॅक्शन हीरो ही कंपनी या चित्रपटाची निर्मीती करणार आहे. '
इतर महत्त्वाच्या बातम्या:
Anupam Kher : 'द कश्मीर फाइल्स'नंतर अनुपम खेर यांचा नवा चित्रपट; IB 71 च्या शूटिंगला सुरूवात