पुण्यातील कोरेगाव पार्क परिसरात 60 वर्षीय अभिनेत्री रंजिता कौर 68 वर्षीय पती राज रतन मसंद आणि 28 वर्षीय मुलगा स्कायसोबत राहतात. मात्र संपत्तीच्या वादातून काही दिवसांपूर्वी त्यांच्यात खटके उडाल्याची माहिती आहे.
'प्रत्येक कुटुंबात काही ना काही वाद होतच असतात. माझ्या पतीचा यूएसमध्ये बिझनेस आहे. माझा मुलगाही तिथेच व्यवसाय करतो. दोघांमध्ये त्यावरुनच वाद झाले होते. पतीने डोक्यात राग घालून पोलिसांकडे धाव घेतली. मात्र आता सामोपचाराने आम्ही वाद मिटवला आहे' असा दावा रंजिता यांनी केला.
'खरं तर हा कौटुंबिक वाद होता. मात्र त्या दिवशी मुलाने माझ्यावर दात-ओठ खात चाल केल्याने मी अवाक होतो. पोलिसांनी मध्यस्थी केल्यानंतर आम्ही मतभेद दूर केले' असं राज मसंद यांनी स्पष्ट केलं.
रंजिता यांनी 'लैला मजनू', पती पत्नी और वो, तेरी कसम, हम से बढकर कौन, तराना यासारख्या चित्रपटांमधून भूमिका केल्या आहेत.