Hrithik Roshan, Saba Azad : हृतिक रोशन-सबा आझादच्या नात्यावर अखेर शिक्कामोर्तब! ‘त्या’ खास कमेंटने वेधलं साऱ्यांचं लक्ष!

Hrithik Roshan, Saba Azad : अभिनेता हृतिक रोशन आणि अभिनेत्री सबा आझाद एकमेकांना डेट करत असल्याच्या चर्चा अनेक महिन्यांपासून रंगल्या आहेत.

Hrithik Roshan, Saba Azad : बॉलिवूड अभिनेता हृतिक रोशन (Hrithik Roshan) आणि त्याची कथित गर्लफ्रेंड सबा आझाद (Saba Azad) सध्या प्रचंड चर्चेत आहेत. ते दोघे एकमेकांना डेट करत असल्याची चर्चा मागील बऱ्याच काळापासून रंगली आहे. मात्र, आता दोघांनी त्यांच्या नात्यावर शिक्कामोर्तब केला, असे त्यांच्या चाहत्यांना वाटते आहे. अर्थात याला कारण ठरलंय अभिनेत्री खास कमेंट! आता हृतिक रोशनची गर्लफ्रेंड सबा आझाद हिने आगामी प्रोजेक्टसोबत अफेअरचा देखील खुलासा केला आहे.

अभिनेता हृतिक रोशन आणि अभिनेत्री सबा आझाद एकमेकांना डेट करत असल्याच्या चर्चा अनेक महिन्यांपासून रंगल्या आहेत. आता या दोघांनीही सोशल मीडियावरील या कमेंटद्वारे दोघांनीही आपल्या नात्याची कबुली दिली आहे. सबाने इंस्टाग्रामवर तिच्या आगामी प्रोजेक्ट ‘मिनिमम’बद्दल एक पोस्ट केली आहे. या पोस्टवर हृतिक रोशननेही प्रतिक्रिया दिली आहे. या चित्रपटाचे दिग्दर्शन रोमाना मौला करणार आहे. सबा व्यतिरिक्त गीतांजली कुलकर्णी आणि नमित दास देखील या चित्रपटात दिसणार आहेत.

पाहा पोस्ट :

हा फोटो शेअर करत सबाने तिच्या आगामी प्रोजेक्टची माहिती दिली आहे. याशिवाय तिने या पोस्टमध्ये अनेकांना टॅगही केले आहे. या चित्रपटाचे चित्रीकरण बेल्जियममध्ये होणार आहे. सबाच्या या पोस्टवर अभिनेता हृतिक रोषण याने कमेंट करत म्हटले की, ‘तुम्ही सगळे धमाल करणार आहात...’. हृतिकच्या या पोस्टवर कमेंट करत सबा म्हणाली, ‘फिंगर क्रॉसड मोन अमोर’. यातील ‘मोन अमोर’ या शब्दांचा अर्थ आहे ‘माय लव्ह’ अर्थात त्यांनी यातून त्यांच्या नात्याची कबुली दिली आहे.

फॅमिली फोटोंमध्येही दिसू लागलीये सबा!

काही दिवसांपूर्वी ह्रतिकचा एक फॅमिली फोटो देखील सोशल मीडियावर व्हायरल झाला होता. या फोटोमध्ये सबा देखील दिसत होती. 20 फेब्रुवारी रोजी ह्रतिक रोशनच्या फॅमिलीसोबत संडे लंच करण्यसाठी सबा त्याच्या घरी गेली होती. राजेश रोशननं हा फॅमिली फोटो शेअर केला होता.

हेही वाचा :