Hemangi Kavi : जगभरात आज 'मदर्स डे' (Mothers Day 2023) साजरा होत आहे. सर्वसामान्य मंडळींसह मनोरंजन विश्वातील अनेक सेलिब्रिटीदेखील त्यांच्या आईला 'मदर्स डे'च्या शुभेच्छा देत आहेत. मराठमोळी अभिनेत्री हेमांगी कवीनेदेखील (Hemangi Kavi) तिच्या आईसाठी खास पोस्ट लिहिली आहे.
हेमांगीची पोस्ट काय आहे? (Hemangi Kavi Post)
हेमांगीने (Hemangi Kavi) लिहिलं आहे,"जगातली सुंदर स्त्री! प्रत्येकाला असं वाटतं पण माझी आई खरंच सुंदर आहे. तिच्यासारखं 50% सौंदर्य मला मिळालं असतं तर? पण आपण पडलो पितृमुखी! म्हटलं सौंदर्य नाही तर नाही बाकी गुण तरी घेऊयात. काही गुण अनुवंशिक आलेत काही अथक प्रयत्नांनी आणलेत. तरी ही तुझी सर नाहीच".
हेमांगीने पुढे लिहिलं आहे,"तुझ्यासारखा त्याग, परिवारासाठी असलेली माया, प्रेम, पप्पांना डोळे झाकून दिलेली साथ, संसारात घेतलेले कष्ट, संपाच्या काळात दाखवलेला संयम, घरात किती भांडणे झाली तरी पाहुणे, नातेवाईक घरी आले की जणू काही झालंच नाही म्हणून केलेलं त्याचं स्वागत, घरात किती ही माणसं आली तरी त्यांच्यासाठी केलेला स्वंयपाक, महीना अखेरीला पैसे नसले तरी तुझं खंबीर असणं, प्रत्येक परिस्थितीला हसत मुखाने सामोरी जाणं, व्यवहारज्ञान, तल्लख बुद्धी, हजरजबाबीपणा, माणसांना ओळखण्याचं कसब! प्रत्येकाच्या आयुष्यात चढ-उतार असतात पण तुझ्याबाबतीतले चढ-उतार बघता मला कायम प्रश्न पडतो आणि कुतूहल वाटतं की कसं कसं निभावून नेतेस? आताही! निव्वळ कमाल! आया ग्रेट असतातच पण तू कायच्या काय ग्रेट आहेस. म्हणूनच प्रत्येक जन्म तुझ्या पोटी यावा हीच इच्छा".
हेमांगी 'लेक माझी दुर्गा' या मालिकेमधून प्रेक्षकांच्या भेटीस आली. तसेच ती 'पिपाणी', 'बंदीशाळा', 'डावपेच' या चित्रपटांमधील हेमांगीच्या अभिनयाला प्रेक्षकांची पसंती मिळाली. हेमांगी तिच्या विनोदी शैलीनं नेहमीच प्रेक्षकांची मनं जिंकत असते. तमाशा Live या चित्रपटामध्ये देखील हेमांगीनं काम केलं. 'बाई, बुब्स आणि ब्रा' ही पोस्ट हेमांगीनं काही वर्षांपूर्वी सोशल मीडियावर शेअर केली होती. तिच्या या पोस्टची चर्चा सोशल मीडियावर चांगलीच रंगली होती.
संबंधित बातम्या