Happy Birthday Ali Fazal : ‘3 इडियट्स’मधील छोट्याशा भूमिकेने बदललं अली फजलचं नशीब; ‘मिर्झापूर’मुळे रातोरात झाला स्टार!

Ali Fazal Birthday: बॉलिवूड अभिनेता अली फजल (Ali Fazal) याने प्रतिभेच्या जोरावर चित्रपटसृष्टीत आपला वेगळा ठसा उमटवला आहे. त्याने आपल्या अभिनयाने लोकांची मने जिंकली आहेत.

Ali Fazal Birthday: बॉलिवूड अभिनेता अली फजल (Ali Fazal) याने प्रतिभेच्या जोरावर चित्रपटसृष्टीत आपला वेगळा ठसा उमटवला आहे. त्याने आपल्या अभिनयाने लोकांची मने जिंकली आहेत. अलीने बॉलिवूड व्यतिरिक्त अनेक हॉलिवूड चित्रपटांमध्ये काम केले आहे. परंतु, अलीला ‘मिर्झापूर’ या वेब सीरिजमधील ‘गुड्डू पंडित’च्या भूमिकेमुळे प्रचंड लोकप्रियता मिळाली. आज म्हणजेच 15 ऑक्टोबर रोजी अली फजल त्याचा 36वा वाढदिवस साजरा करत आहे. अभिनेत्याने आमिर खान, माधवन आणि शरमन जोशी अभिनित ‘3 इडियट्स’या चित्रपटातही छोटीशी भूमिका केली होती. नुकतीच अलीने गर्लफ्रेंड ऋचा चढ्ढा हिच्याशी लग्नगाठ बांधली आहे.

15 ऑक्टोबर 1986 रोजी उत्तर प्रदेशातील लखनऊ येथे जन्मलेल्या अलीची गणना आज बॉलिवूडमधील टॉप कलाकारांमध्ये केली जाते. परंतु, त्याने इंडस्ट्रीत आपल्या करिअरची सुरुवात एका छोट्या साईड रोलमधून केली होती. डेहराडूनमध्ये शालेय शिक्षण घेतलेल्या अलीने मुंबईतील सेंट झेवियर्स कॉलेजमधून ग्रॅज्युएशन पूर्ण केले.

‘मिर्झापूर’ बनवले स्टार!

अली फजलने ‘3 इडियट्स’ चित्रपटात कॅमिओ केला होता. या चित्रपटात त्याने ‘जॉय लोबो’ची भूमिका साकारली होती. मात्र, ती भूमिका छोटीशी होती. यानंतर त्यांनी अनेक चित्रपटांमध्ये काम केले, मात्र त्याला फारशी ओळख मिळाली नाही. 2013 मध्ये, तो ‘फुक्रे’ या चित्रपटात झळकला. त्याचा हा चित्रपट बॉक्स ऑफिसवर यशस्वी ठरला. यानंतर त्याला ‘मिर्झापूर’ या सीरिजमध्ये काम करण्याची संधी मिळाली. या वेब सीरिजमधील त्यांच्या भूमिकेने त्याला रातोरात स्टार बनवले.

‘अशी’ मिळाली ‘3 इडियट्स’मध्ये संधी

अली फजलने त्याच्या करिअरची सुरुवात मॉडेल म्हणून केली होती. पण, लवकरच त्याला बॉलिवूडमध्ये ब्रेक मिळाला. एकदा तो एका स्टेज शोमध्ये परफॉर्म करत असताना दिग्दर्शक राजकुमार हिराणी यांची नजर त्याच्यावर पडली आणि त्यांनी अलीला '3 इडियट्स' चित्रपटासाठी साईन केले. या चित्रपटात अलीची भूमिका खूपच लहान होती, परंतु, यामुळे त्याचे नशीब पूर्णपणे बदलले. यानंतर अली फजलने कधीही मागे वळून पाहिले नाही.

हॉलिवूडमध्येही केलेय काम

अभिनेता अली फजलच्या हॉलिवूड कारकिर्दीची सुरुवात 2015मध्ये ‘फास्ट अँड फ्युरियस 7’ या चित्रपटाने झाली. ‘फास्ट अँड फ्युरियस 7’ या चित्रपटामध्ये त्याने कॅमिओ केला होता. यानंतर, 2017च्या ‘व्हिक्टोरिया अँड अब्दुल’ चित्रपटाद्वारे, अलीला जुडी डेंचसारख्या दिग्गज अभिनेत्रीसोबत मुख्य भूमिका साकारण्याची संधी मिळाली. यामध्ये त्याच्या कामाला खूप पसंती मिळाली होती.

हेही वाचा :