Divya Bharti 31 Year Old Record No Actress Break Till Now: नव्वदीच्या दशकातील प्रसिद्ध अभिनेत्री दिव्या भारती (Divya Bharti), म्हणजे अनेकांच्या गळ्यातील ताईत. दिवंगत अभिनेत्रीनं काही दिवसांतच बॉलिवूड (Bollywood) आपल्या मुठीत घेतलं होतं. असं म्हटलं जायचं की, दिव्या भारतीला मोठ्या पडद्यावर पाहण्यात एक वेगळाच अनुभव होता. अभिनेत्रीनं आपल्या अदांनी आणि अभिनयानं अक्षरशः सर्वांना वेड लावलं होतं. पण, एका अपघातानं अनेक चाहत्यांचं मन दुखावलं होतं. एका अपघातानं वयाच्या अवघ्या 19 व्या वर्षी दिव्या भारतीनं जगाला अलविदा म्हटलं. दिव्या भारतीनं चित्रपटसृष्टीत केवंळ तीन एक वर्ष काम केलं. पण, या तीन वर्षांत तीनं बॉलिवूडवर राज्य केलं, असं म्हटलं तरी वावगं ठरणार नाही. एवढ्या कमी कालावधीत दिव्या भारतीनं आपल्या नावावर विक्रम केला. दिव्याचा हा विक्रम आजही कुणीच मोडू शकलेलं नाही. आजही दिव्याचा 31 वर्षांपूर्वीचा विक्रम अतूट आहे.
31 वर्षांनंतरी अतूट असलेला दिव्या भारतीचा विक्रम कोणता?
बॉलीवूड अभिनेत्री दिव्या भारतीनं 'निला पन्ने' या चित्रपटातून चित्रपटसृष्टीत प्रवेश केला. हा तमिळ भाषेतील चित्रपट होता. यानंतर ती व्यंकटेशसोबत एका चित्रपटातही दिसली. या चित्रपटाचं नाव होतं, 'बोब्ली राजा'. दक्षिण भारतीय चित्रपटांमध्ये हे दोन चित्रपट केल्यानंतर दिव्या भारती हिंदी चित्रपटांमध्ये आली. सुमारे तीन वर्ष तिनं हिंदी चित्रपटसृष्टीत काम केलं. या तीन वर्षांत दिव्या भारतीनं साऊथ आणि बॉलिवूडमधील 21 चित्रपटांमध्ये काम केलं. या 21 चित्रपटांपैकी 13 चित्रपट सुपरहिट ठरले. फ्लॉप ठरलेले आठ चित्रपटही बजेट वसूल करण्यात जवळपास यशस्वी ठरले.
एका वर्षांत 12 चित्रपट, दिव्याचा अनब्रेकेबल रेकॉर्ड
विश्वात्मा चित्रपटातून हिंदी चित्रपटसृष्टीत पदार्पण करणाऱ्या दिव्या भारतीनं 1992 मध्ये 12 चित्रपट केले होते. हादेखील एक रेकॉर्ड आहे. हेच काय, ज्यावेळी दिव्याचा मृत्यू झाला, त्यावेळीसुद्धा तिच्याकडे 12 चित्रपट होते. पण, दिव्याचा अपघाती मृत्यू झाला आणि तिचे ते चित्रपट तसेच अधुरे राहिले. यापैकी काही चित्रपट श्रीदेवी, करिश्मा कपूर यांसारख्या अभिनेत्रींनी नंतर पूर्ण केलं.
महत्त्वाच्या इतर बातम्या :
कार्तिक आर्यनची नवी गर्लफ्रेंड कोण? 'भूल भुलैया 3'च्या अभिनेत्याचा खुलासा, नावंही सांगितलं...