Deepika Padukone Baby Girl Name : बॉलिवूडचं स्टार कपल दीपिका पदुकोण आणि रणवीर सिंह यांच्यासह चाहते त्यांच्या बाळाची खूप दिवसांपासून आतुरतेने वाट पाहत होते. दीपिकाला शनिवारी मुंबईतील एचएन रिलायन्स फाऊंडेशन रुग्णालयात दाखल करण्यात आलं होतं. त्यानंतर रविवारी दीपिकाने गोंडस मुलीला जन्म दिला आहे. ही आनंदाची बातमी समोर येताच दीपिका आणि रणवीरच्या कुटुंबियांच्या तसेच त्यांच्या चाहत्यांच्या आनंदाला पारावार उरला नाही. या छोट्या पाहुण्याचं स्वागत करण्यात चाहते आणि सेलिब्रिटी दंग आहे. सोशल मीडियावर सगळेच दीप-वीरचं अभिनंदन करत आहेत.
दीपिकानं दिला गोंडस मुलीला जन्म
दीपिका पदुकोण आणि रणवीर सिंहच्या चाहत्यांसाठी ही आनंदाची बातमी आहे. गणेशोत्सवाच्या मुहूर्तावर अभिनेत्री दीपिका पदुकोणने चिमुकलीला जन्म दिला आहे. गणेश चतुर्थीच्या दुसऱ्या दिवशी दीपिकाने मुलीला जन्म दिला आहे. बॉलिवूड सेलिब्रिटींसह चाहते दीपिका-रणवीर आणि चिमुकलीला शुभेच्छा देत आहे. एका मीडिया यूजरने लिहिलं, अभिनंदन. दुसऱ्या यूजरने लिहिलं, छोटी मस्तानी आली आहे. आणखी एका यूजरने लिहिले, बाळाची पहिली झलक दाखवण्याची मागणी केली आहे.
दीपिका-रणवीर झाले आई-बाबा
दीपिका पदुकोणला शनिवारी प्रसूती वेदना सुरू झाल्या होत्या. त्यानंतर रणवीर सिंह तिला मुंबईतील एचएन रिलायन्स रुग्णालयात घेऊन गेला. या जोडप्याचा रुग्णालयात जाण्याचा व्हिडीओ आणि फोटो सोशल मीडियावर व्हायरल झाले होते. हॉस्पिटलमध्ये जाण्याच्या एक दिवस आधी दीपिका आणि रणवीर मुंबईतील प्रसिद्ध सिद्धिविनायक मंदिरात पोहोचले होते. बाळाच्या जन्मापूर्वी या जोडप्याने गणपती बाप्पाचे आशीर्वाद घेतले होते.
चाहत्यांनी सुचवलं दीप-वीरच्या लेकीचं नाव
दीपिका आणि रणवीरला मुलगी झाल्यानंतर त्यांच्या कुटुंबियांसह चाहतेही फारच खूश आहे. चिमुकलीचं नाव काय ठेवणार, याची उत्सुकता आता चाहत्यांना लागली आहे. नेटकऱ्यांनी कमेंट कर बाळाचं नाव सुचवलं आहे. काही नेटकऱ्यांनी दीपिका आणि रणवीरच्या नावातील अक्षरांचा वापर करत काही नावं सुचवली आहे. एका चाहत्यांने दीपिका आणि रणवीरच्या मुलीसाठी 'रविका' हे नाव सुचवलं आहे. तर आणखी एका युजरने 'देविका' असं नाव सुचवलं आहे. दरम्यान, एका चाहत्याने म्हटलंय की, त्यांच्या बाळाचं नाव त्यांनाच ठरवू द्या. चिमुकलीच्या आगमनाने दीप-वीरसह त्यांचे चाहतेही खूश आहेत , एवढं मात्र नक्की.
महत्त्वाच्या इतर बातम्या :