Virender Sehwag Share Post About Pathan : पठाण (Pathaan) हा शाहरुख खानचा (Shah Rukh Khan) चित्रपट सध्या प्रेक्षकांची मनं जिंकत आहे. या चित्रपटाचं अनेक सेलिब्रिटी कौतुक करतात आहेत. सोशल मीडियावर पोस्ट शेअर करुन अनेकजण पठाण चित्रपटामधील डायलॉग्सचं आणि चित्रपटामधील कलाकारांच्या अभिनयाचं कौतुक करत आहेत. नुकतीच क्रिकेटर विरेंद्र सेहवागनं (Virender Sehwag) पठाण चित्रपटाबद्दल एक खास पोस्ट सोशल मीडियावर शेअर केली. विरेंद्रनं थिएटरमधील एक व्हिडीओ शेअर केला. या व्हिडीओमध्ये पठाणमधील शाहरुख खानचा एक सिन दिसत आहे. विरेंद्रच्या या पोस्टनं अनेकांचे लक्ष वेधले आहे.
विरेंद्र सेहवागची पोस्ट
विरेंद्र सेहवाग हा सोशल मीडियावर अॅक्टिव्ह असतो. तो विविध विषयांवरील पोस्ट शेअर करतो. नुकतीच त्यानं पठाण चित्रपटाबद्दल एक पोस्ट शेअर केली. त्यानं या पोस्टमध्ये एक व्हिडीओ शेअर केला, ज्यामध्ये शाहरुखचा पठाण चित्रपटामधील एक सिन दिसत आहे. हा व्हिडीओ शेअर करुन त्यानं कॅप्शनमध्ये लिहिलं, 'पठाण पाहून मजा आली. फुल मस्ती, टाईमपास' या पोस्टमध्ये विरेंद्रनं शाहरुखला देखील टॅग केलं आहे.
पाहा व्हिडीओ :
विरेंद्र सेहवाग हा सोशल मीडियावर वेगवेगळ्या पोस्ट शेअर करतो. त्याला इन्स्टाग्रामवर 7 मिलियनपेक्षा जास्त नेटकरी फॉलो करतात. त्याच्या सोशल मीडियावरील पोस्ट अनेकांचे लक्ष वेधतात. विरेंद्र सेहवागचे चाहते त्याच्या पोस्टला लाईक्स आणि कमेंट्स करतात.
'या' सेलिब्रिटींनी केलं पठाणचं कौतुक
रवीना टंडन (Raveena Tandon), हृतिक रोशन (Hrithik Roshan), विकी कौशल (Vicky Kaushal), अर्जुन कपूर (Arjun Kapoor) या सेलिब्रिटींनी सोशल मीडियाच्या माध्यमातून पठाण या चित्रपटाच्या टीमचं कौतुक केलं.
पठाण या चित्रपटामधील अॅक्शन सिन्सला आणि डायलॉग्सला प्रेक्षकांची पसंती मिळत आहे. या चित्रपटानं बॉक्स ऑफिसवर देखील धुमाकूळ घातला. पठाण चित्रपटात शाहरुखसोबतच दीपिका पादुकोण (Deepika Padukone), जॉन अब्राहम (John Abraham), आशुतोष राणा (Ashutosh Rana) आणि डिंपल कपाडिया (Dimple Kapadia) या कलाकरांनी प्रमुख भूमिका साकारली आहे. शाहरुखनं या चित्रपटात एका रॉ एजंटची भूमिका साकारली आहे. पठाण चित्रपटाचे दिग्दर्शन सिद्धार्थ आनंदने केलं आहे.
महत्वाच्या इतर बातम्या :
विकी कौशल ते रवीना टंडन; पठाणचं 'या' बॉलिवूड कलाकारांकडून तोंडभरुन कौतुक