Chatrapathi official teaser out: अभिनेता प्रभासचा (Prabhas) छत्रपती (Chatrapathi) हा तेलुगू चित्रपट 2005 मध्ये प्रेक्षकांच्या भेटीस आला. या चित्रपटाचं दिग्दर्शन एस. एस. राजामौली (S. S. Rajamouli) यांनी केलं. आता लवकरच या चित्रपटाचा हिंदी रिमेक रिलीज होणार आहे. या रिमेकमध्ये अभिनेता बेल्लमकोंडा श्रीनिवास (Bellamkonda Sreenivas) हा प्रमुख भूमिका साकारणार आहे. नुकताच या चित्रपटाचा टीझर रिलीज झाला आहे. या टीझरमधील डायलॉग्सनं अनेकांचे लक्ष वेधले आहे.
छत्रपती चित्रपटाच्या हिंदी रिमेकचे नाव देखील छत्रपती हेच असणार आहे. छत्रपती या चित्रपटाच्या माध्यमातून बेल्लमकोंडा श्रीनिवास हा बॉलिवूडमध्ये पदार्पण करत आहे. नुकताच छत्रपती चित्रपटाचा टीझर प्रेक्षकांच्या भेटीस आला आहे. या टीझरच्या सुरुवतीला 'अपने लिए तो हर कोई जीता है, लेकिन जो औरों के लिए जीता है उसे छत्रपती कहते है' असा डायलॉग ऐकू येतो. टीझरमध्ये बेल्लमकोंडा श्रीनिवासचा डॅशिंग अंदाज बघायला मिळत आहे.
छत्रपती चित्रपटाची स्टार कास्ट
छत्रपती या चित्रपटात बेल्लमकोंडा श्रीनिवासच्यासोबतच नुसरत भरुचा, साहिल वैद, अमित नायर, राजेंद्र गुप्ता, शिवम पाटील, स्वप्नील, आशिष सिंग, मोहम्मद मोनाजीर, आरोशिका डे, वेदिका, जेसन हे कलाकार देखील महत्वाची भूमिका साकारणार आहेत.
पाहा टीझर
कधी रिलीज होणार छत्रपती चित्रपट?
12 मे 2023 रोजी छत्रपती चित्रपटाचा हिंदी रिमेक प्रेक्षकांच्या भेटीस येणार आहे. छत्रपती चित्रपटाच्या हिंदी रिमेकचे दिग्दर्शन व्ही.व्ही.विनायक करत आहेत. जयंतीलाल गडा यांचे पेन स्टुडिओज या चित्रपटाचे निर्मिते आहेत. छत्रपती या चित्रपटाची निर्मिती पूर्ण झाली असून पोस्ट-प्रॉडक्शनचे काम सध्या सुरू आहे. तनिष्क बागची या चित्रपटाचे संगीतकार आहे. हा चित्रपट बॉक्स ऑफिसवर धुमाकूळ घालेल की नाही? या प्रश्नाचं उत्तर लवकरच प्रेक्षकांना मिळेल.
अभिनेता बेल्लमकोंडा श्रीनिवास (Bellamkonda Sreenivas) हा तेलुगू चित्रपटसृष्टीतील प्रसिद्ध अभिनेता आहे. बेल्लमकोंडा श्रीनिवासनं अल्लुदु अधुर्स, सीता, या तेलुगू चित्रपटामध्ये काम केलं. आता त्याच्या छत्रपती या चित्रपटाची प्रेक्षक उत्सुकतेने वाट बघत आहेत.
इतर महत्वाच्या बातम्या: