Kangana Kanaut: बॉलिवूडमधील प्रसिद्ध अभिनेत्री कंगना रनौतच्या (Kangana Ranaut) आगामी चित्रपटाची प्रेक्षक उत्सुकतेने वाट बघतात. तिचा इमर्जन्सी हा चित्रपट लवकरच प्रेक्षकांच्या भेटीस येणार आहे. आता नुकतीच कंगनानं तिच्या दुसऱ्या आगामी चित्रपटाची माहिती चाहत्यांना दिली. हा चित्रपट चंद्रमुखी या तमिळ चित्रपटाचा सिक्वेल (Chandramukhi 2) असणार आहे.
ज्योतिका सरवनन आणि रजनीकांत (Rajinikanth) यांचा चंद्रमुखी हा चित्रपट 2005 मध्ये प्रदर्शित झाला. अनेक लोक आजही हा चित्रपट आवडीनं बघतात. हा चित्रपट तमिळ हॉरर कॉमेडी चित्रपट आहे. 2004 मध्ये प्रदर्शित झालेल्या आप्तमित्र या चित्रपटाचा चंद्रमुखी हा रिमेक होता. तर आप्तमित्र हा चित्रपट 1993 मध्ये प्रदर्शित झालेल्या मणिचित्राथजु या मल्याळम चित्रपटाचा रिमेक आहे.
चंद्रमुखीचा हिंदी रिमेक देखील करण्यात आला. या चित्रपटाच्या हिंदी रिमेकचं नाव भूल भूलैय्या असं होतं. भूल भूलैय्यामध्ये चंद्रमुखीच्या भूमिकेला मोंजोलिका असं नाव देण्यात आलं. आता चंद्रमुखी-2 हा चित्रपट लवकरच प्रेक्षकांच्या भेटीस येणार आहे. या चित्रपटात अभिनेत्री कंगना रनौत प्रमुख भूमिका साकारणार आहे.
'पी वासूजी यांच्या तमिळ चित्रपटात काम करण्यास मी उत्सुक आहे.', अशी पोस्ट नुकतीच कंगनानं केली. आता कंगनाला चंद्रमुखीच्या भूमिकेत पाहण्यासाठी प्रेक्षक उत्सुक आहेत.
अभिनेत आणि चित्रपट निर्माता राघव लॉरेंस यांनी चंद्रमुखी-2 चित्रपटाबाबत एक ट्वीट केले होते. या ट्वीटमध्ये ते अभिनेते रजनीकांत यांचा आशीर्वाद घेताना दिसत आहेत. 'रजनीकांत यांचा आशीर्वाद घेऊन आज म्हैसूरमध्ये चंद्रमुखी 2 च्या शूटिंगला सुरुवात करत आहे.' असं पोस्टमध्ये राघव लॉरेंस यांनी लिहिलं.
कंगनाने तिच्या 'मणिकर्णिका रिटर्न्स' आणि 'सीता - द इनकार्नेशन' या आगमी चित्रपटांची घोषणा केली आहे. नवाजुद्दीन सिद्दीकी आणि अवनीत कौर यांच्या प्रमुख भूमिका असलेला 'टिकू वेड्स शेरू' या चित्रपटाचीही ती निर्मिती करत आहे.
वाचा इतर महत्वाच्या बातम्या:
Kangana Ranaut : "शेवटी राक्षसच जिंकला..."; श्रद्धा वालकर प्रकरणामुळे कंगना दुखावली