Brahmastra Trailer Out : गेल्या काही दिवसांपासून अभिनेता रणबीर कपूर (Ranbir Kapoor)  आणि  आलिया भट्ट (Alia Bhatt) यांचे चाहते ब्रह्मास्त्र (Brahmastra) या चित्रपटाच्या ट्रेलरची वाट उत्सुकतेने पाहात होते. या चित्रपटचा ट्रेलर नुकताच रिलीज झाला आहे. ट्रेलरमध्ये रणबीर आणि आलिया यांच्यासोबतच अमिताभ बच्चन, नागार्जुन आणि मौनी रॉय हे देखील या ट्रेलरमध्ये दिसत आहेत. आलियानं या चित्रपटाचा ट्रेलर सोशल मीडियावर शेअर करुन कॅप्शनमध्ये लिहिलं, 'आमच्या ह्रदयाचा भाग- ब्रह्मास्त्र. 09.09.2022 रोजी लवकरच भेटूयात. '


ब्रह्मास्त्र चित्रपटाच्या ट्रेलरमध्ये असे दिसत आहे की, या चित्रपटाचे कथानक हे शिवा या भूमिकेवर आधारित असणार आहे. शिवा ही भूमिका रणबीरनं साकारली आहे. शिवा आणि ईशा यांची लव्हस्टोरी देखील या चित्रपटामध्ये दाखण्यात येणार आहे. ईशा ही भूमिका आलिया साकारत आहे. ब्रह्मास्त्र चित्रपटाच्या पहिल्या पार्टचा हा ट्रेलर आहे. या चित्रपटाचे तीन पार्ट प्रेक्षकांच्या भेटीस येणार आहेत. अयान मुखर्जीनं या चित्रपटाचे दिग्दर्शन केलं आहे. 


पाहा ट्रेलर:






ब्रह्मास्त्र चित्रपटामध्ये अमिताभ बच्चन हे प्रोफेसर ‘अरविंद चतुर्वेदी’ आहेत आणि नागार्जुन पुरातत्वशास्त्रज्ञ च्या भूमिकेत दिसणार आहेत. त्यांचे नाव ‘अजय वशिष्ठ’ आहे. मौनीच्या पात्राचे नाव ‘दमयंती’ आहे.


‘ब्रह्मास्त्र’ या सिनेमाची घोषणा ऑक्टोबर 2017 मध्ये झाली होती. त्यानंतर फेब्रुवारी 2018 मध्ये त्याचे शूटिंग सुरू झाले. याआधी जून आणि नंतर सप्टेंबर 2019 मध्ये या सिनेमाचे शूटिंग वाराणसीमध्ये झाले होते. या चित्रपटामधीस केसरीया या गाण्याची झलक आयान मुखर्जीनं शेअर केली होती. या गाण्याच्या टीझरमध्ये रणबीर आणि आलियाचा रोमँटिक अंदाज प्रेक्षकांना बघायला मिळाला. सध्या ब्रम्हास्त्र या चित्रपटाचा ट्रेलर सोशल मीडियावर व्हायरल होत आहे. हा ट्रेलर पाहिल्यानंतर प्रेक्षक या चित्रपटाची उत्सुकतेने वाट पाहात आहेत. 


 


हेही वाचा :