Ranveer Singh : बॉलिवूड अभिनेता रणवीर सिंहच्या (Ranveer Singh) आगामी 'जयेशभाई जोरदार' सिनेमाचा ट्रेलर नुकताच प्रदर्शित झाला असून प्रेक्षक आता सिनेमाची प्रतीक्षा करत आहेत. 'जयेशभाई जोरदार' सिनेमाच्या ट्रेलर लॉन्चच्या कार्यक्रमात रणवीरने त्याला वैयक्तिक आयुष्यात मुलगा हवा आहे की मुलगी ते सांगितले आहे.
'जयेशभाई जोरदार' सिनेमाच्या ट्रेलर लॉन्चच्या कार्यक्रमात रणवीरला विचारण्यात आले की, वैयक्तिक आयुष्यात मुलगा हवा आहे की मुलगी? यावर रणवीर म्हणाला, हे देवाच्या हातात आहे. यासंदर्भात सिनेमातदेखील एक संवाद आहे, मंदिरात गेल्यावर शिरा मिळो वा लाडू. जो प्रसाद मिळेल तो तुम्ही घेता. 'जयेशभाई जोरदार' या सिनेमात शालिनी पांडे मुख्य भूमिकेत आहे. या सिनेमाच्या माध्यमातून शालिनी बॉलिवूडमध्ये पदार्पण करणार आहे.
रणवीर सिंह आणि दीपिका पदुकोण 2018 साली लग्नबंधनात अडकले. दीपिका आणि रणवीर सोशल मीडियावर खूप अॅक्टिव्ह आहेत. ते अनेकदा त्यांचे रोमॅंटिक फोटो शेअर करत असतात. 'जयेशभाई जोरदार' या सिनेमामध्ये रणबीरनं 'जयेशभाई' ही भूमिका साकारली असून अभिनेता बोमन इराणी यांनी एका गावाच्या सरपंचाची भूमिका साकारली आहे. या सिनेमाचे दिग्दर्शन दिव्यांक ठक्कर यांनी केलं आहे.
संबंधित बातम्या