Bholaa Box Office Collection Day 1: बॉलिवूडचा सिंघम अशी ओळख असणाऱ्या अजय देवगण (Ajay Devgn) हा आयकॉनिक अभिनेत्यांपैकी एक आहे. अजय गेली कित्येक वर्ष प्रेक्षकांचे मनोरंजन करत आहे. अजयच्या अभिनयाला प्रेक्षकांची पसंती मिळते. गेल्या वर्षी रिलीज झालेल्या अजयच्या दृष्यम-2 या चित्रपटानं बॉक्स ऑफिसवर रेकॉर्ड ब्रेक कमाई केली. आता त्याचा भोला (Bholaa) हा चित्रपट प्रेक्षकांच्या भेटीस आला आहे. भोला हा चित्रपट काल (30 मार्च) रिलीज झाला. भोला या चित्रपटाचं अनेक जण सोशल मीडियावर कौतुक करत आहेत. पहिल्या दिवशी या चित्रपटानं कोट्यवधींची कमाई केली आहे. जाणून घेऊयात भोला चित्रपटाच्या बॉक्स ऑफिस कलेक्शनबाबत...
भोला या चित्रपटानं रिलीज झाल्यानंतर पहिल्या दिवशी 11.50 कोटी एवढी कमाई केली आहे. अजयच्या दृष्यम-2 या चित्रपटानं पहिल्या दिवशी 15.38 कोटींची कमाई केली होती. त्यामुळे भोला या चित्रपटानं दृष्यम-2 या चित्रपटाचं ओपनिंग-डेचं रेकॉर्ड तोडू शकला नाही. पण वीकेंडला भोला चित्रपट चांगली कमाई करेल, असा अंदाज लावला जात आहे.
भोला चित्रपटाची स्टार कास्ट
भोला चित्रपटात अजय देवगणसोबतच तब्बू, दीपक डोबरियाल, संजय मिश्रा, अमाला पॉल आणि गजराज राव यांनी प्रमुख भूमिका साकारली आहे. भोला हा चित्रपट 2019 मध्ये रिलीज झालेल्या कॅथी या चित्रपटाचा हिंदी रिमेक आहे. या चित्रपटाचे दिग्दर्शन तेव्हा लोकेश कनगराजने केलं होतं. भारतात हा सिनेमा 200 कोटींच्या क्लबमध्ये सामील झाला होता. आता भोला हा चित्रपट किती कमाई करेल? याकडे अजयच्या चाहत्यांचे लक्ष लागले आहे. शाहरुखच्या 'पठाण'नंतर आता बॉक्स ऑफिसवर अजय देवगणच्या 'भोला'चा बोलबाला पाहायला मिळू शकतो, असंही म्हटलं जात आहे.
कलाकारांचे मानधन
'भोला' या चित्रपटात अजय देवगणचा एक वेगळा अंदाज प्रेक्षकांना पाहायला मिळत आहे. अजयनं भोला या चित्रपटाचं जोरदार प्रमोशन केलं. या चित्रपटासाठी त्याने 30 कोटी मानधन घेतलं आहे. तसेच बॉलिवूड अभिनेत्री तब्बू (Tabu) या चित्रपटात पोलीस अधिकाऱ्याच्या भूमिकेत असून या सिनेमासाठी तिने चार कोटी मानधन घेतलं आहे.
इतर महत्वाच्या बातम्या:
Ajay Devgn : 'भोला'साठी अजय देवगणने किती घेतलं मानधन? आकडा वाचून थक्क व्हाल