या पोस्टरवर बाहुबली अत्यंत रागात दिसत आहे. त्याच्या एका हातात तलवार आणि दुसऱ्या हातात गुंडाळलेली साखळी दिसते.
'मामी' फेस्टिव्हलमध्ये हे पोस्टर रिलीज करण्यात आलं. यावेळी अभिनेता प्रभास, अभिनेत्री तमन्ना भाटिया आणि दिग्दर्शक एस एस राजमौली उपस्थित होते.
'बाहुबली :द कन्क्लुजन' हा सिनेमा 28 एप्रिल 2017 ला रिलीज होणार आहे. त्याचवेळी कटप्पाने बाहुबलीला का मारलं? या प्रश्नाचं उत्तर चाहत्यांना मिळेल.
दरम्यान, सिनेमा लीक होण्याचं प्रमाण सध्या वाढलं आहे. त्या पार्श्वभूमीवर दिग्दर्शक राजमौली यांनी शक्कल लढवली आहे.
या सिनेमाचे एक-दोन नव्हे तर चार क्लायमॅक्स शूट केले आहेत. मात्र कोणता सिनेमात वापरण्यात येणार हे गुलदस्त्यात आहे. सिनेमाचं संपूर्ण शूटिंग झाल्यानंतरच त्याबाबतचा निर्णय होणार आहे.
संबंधित बातम्या
'बाहुबली 2' मधील भल्लाल देवची जबरदस्त शरीरयष्टी!
'बाहुबली 2'चा फर्स्ट लूक रिलीज, 22 ऑक्टोबर रोजी पहिले पोस्टर
'बाहुबलीः दी कन्क्लुझन' चा लोगो रिलीज