होय, 'बाहुबली 2' चा क्लायमॅक्स ग्रॅण्ड असणार आहे. देशभरातील सिनेचाहते 'बाहुबली 2'ची वाट पाहत आहे. काही वृत्तानुसार, या सिनेमाचा क्लायमॅक्स खूपच महागडा आहे.
सिनेमाचे निर्माते शोबू यार्लागड्डा यांनी ट्वीटच्या माध्यमातून याचे संकेत दिले आहे. चित्रपट ग्रॅण्ड असेल, असं ट्वीट त्यांनी केलं आहे. त्यामुळे सिनेमाच्या क्लायमॅक्सबाबत प्रचंड उत्सुकता लागली आहे.
चित्रपटाची टीम येत्या काही आठवड्याच सिनेमाचा अॅक्शनपॅक्ड क्लायमॅक्स सीन चित्रित करणार आहे. या सीनवर तब्बल 30 कोटी रुपये करण्यात येणार आहेत. यापूर्वी 'बाहुबली'च्या क्लायमॅक्स सीनसाठी 15 कोटी रुपये खर्च केले होते. प्रेक्षकांना युद्धाचा सीन अतिशय आवडला होता. त्यामुळे निर्मात्यांना सिक्वेलचा क्लायमॅक्स सीन उत्कृष्ट आणि भव्य हवा आहे. त्यामुळे त्यांनी या सीनवर जास्त रुपये खर्च करण्याचा निर्णय घेतला.
यामध्ये प्री-व्हिजुवलायझेशन, अॅक्शन, कोरिओग्राफी, प्रॅक्टिस आणि तालीम, विविध सेट्स, 100 प्रॉप्स, व्हीएफएक्स यांचा समावेश असेल.