Athiya Shetty: बॉलिवूड अभिनेत्री अथिया शेट्टी (Athiya Shetty) आणि क्रिकेटपटू केएल राहुल (KL Rahul) यांचा विवाह सोहळा 23 जानेवारी रोजी पार पडला. सुनील शेट्टीच्या (Suniel Shetty) खंडाळ्यातील फार्महाऊसवर दाक्षिणात्य पद्धतीने केएल राहुल आणि अथिया शेट्टी (Athiya Shetty weds KL Rahul) यांनी लग्न केलं आहे. लग्नसोहळ्यासाठी अथिया आणि केएल राहुल यांनी रॉयल लूक केला होता. नुकताच अथियाचा एक व्हिडीओ व्हायरल (Viral Video) झाला आहे. या व्हिडीओमध्ये अथिया कॅज्युअल लूकमध्ये दिसत आहे. या व्हिडीओला कमेंट करुन अनेक नेटकऱ्यांनी अथियाला ट्रोल (Athiya Shetty Troll) केलं आहे.
अथियाचा व्हायरल व्हिडीओ Viral Bhayani या नावाच्या सोशल मीडिया अकाऊंटवरुन शेअर करण्यात आला आहे. या व्हिडीओमध्ये अथिया ही शर्ट आणि व्हाईट जिन्स अशा कॅज्युअल लूकमध्ये दिसत आहे. या व्हिडीओला कमेंट्स करुन अनेकांनी अथियाला ट्रोल केलं आहे.
नेटकऱ्यांच्या कमेंट्स
अथियाच्या या व्हायरल व्हिडीओला एका नेटकऱ्यानं कमेंट केली, "इतका ॲटीट्यूड का दाखवतेयस?" तर दुसऱ्या नेटकऱ्यानं कमेंट केलीये की, "सिंदूर पण नाही आणि मंगळसूत्र देखील घातलं नाही." तर आणखी एका युझरनं कमेंट केलीये की, "तिचा ॲटीट्यूड पाहा तिच्या मागे का जाता? त्यांना इग्नोर करा म्हणजे, ते जमिनीवर येतील." या व्हिडीओला 60 हजारपेक्षा जास्त नेटकऱ्यांनी लाईक केलं असून या व्हिडीओला एक मिलियनपेक्षा जास्त व्ह्यूज मिळाले आहेत.
पाहा व्हिडीओ :
अथिया आणि केएल राहुल 100 पाहुण्यांच्या उपस्थितीत लग्नबंधनात अडकले आहेत. लग्नसोहळ्यासाठी अथियानं खास लूक केला होता. अथियानं विवाह सोहळ्यात पिंक लेहंगा परिधान केला होता. तसेच तिनं स्टोनचा चोकर नेकलेस, बिंदी, झुमके आणि बांगड्या या ज्वेलरी लग्नात परिधान केल्या होत्या. अथियाचा हा लेहंगा अनामिका खन्ना यांनी डिझाइन केला होता. अथियाच्या लग्नातील लूकनं अनेकांचे लक्ष वेधले होते.
अथियाने 2015 मध्ये अॅक्शन फिल्म 'हिरो' मधून बॉलिवूमध्ये पदार्पण केले होते. ‘मुबारकान’, ‘नवाबजादे’ आणि ‘मोतीचूर चकनाचूर’ या चित्रपटांमध्ये आथियाने महत्वाची भूमिका साकारली आहे. अथियाचा चाहता वर्ग मोठा आहे.
महत्वाच्या इतर बातम्या: