Anushka Sharma Second Pregnancy: क्रिकेटर विराट कोहली (Virat Kohli ) आणि अभिनेत्री अनुष्का शर्मा (Anushka Sharma) हे पावर कपल म्हणून ओळखले जातात. या जोडीचा चाहता वर्ग मोठा आहे. विराट आणि अनुष्का हे त्यांचे रोमँटिक फोटो आणि व्हिडीओ सोशल मीडियावर शेअर करतात. सध्या विरुष्का हे चर्चेत आहेत. अनुष्का ही दुसऱ्यांदा प्रेग्नंट आहे, अशी चर्चा सध्या सोशल मीडियावर होत आहे.
काही दिवसांपूर्वी अनुष्का आणि विराट यांना मॅटर्निटी क्लिनिकच्या बाहेर पापाराझींनी स्पॉट केले होते, पण दोघांनीही पापाराझींना फोटो लीक न करण्याची विनंती केली होती. आम्ही याबाबत लवकरच घोषणा करणार आहोत, असं त्यांनी त्यावेळी सांगितले. याच कारणामुळे आता विराट आणि अनुष्का यांच्या घरी एका चिमुकल्या पाहुण्याचे आगामन होणार आहे, अशी चर्चा होऊ लागली आहे. अनुष्का गेल्या काही काळापासून सार्वजनिक कार्यक्रमात सहभागी होत नाही, असंही म्हटलं जात आहे. अनुष्कानं अद्याप प्रेग्नंसीची कोणतही घोषणा केलेली नाही.
2017 मध्ये अनुष्कानं विराट कोहलीसोबत लग्नगाठ बांधली. जानेवारी 2021 मध्ये अनुष्कानं मुलीला जन्म दिला. तिचे नाव वामिका असं आहे. अनुष्का आणि विराट यांनी अद्याप त्यांच्या मुलीचा चेहरा चाहत्यांना दाखवला नाही. अनुष्का आणि विराट हे वामिकाचे अनेक फोटो सोशल मीडियावर शेअर करतात. पण या फोटोमध्ये ते वामिकाचा चेहरा दिसू देत नाहीत. अनुष्का आणि विराट यांच्या सोशल मीडियावरील फोटो आणि व्हिडीओवर नेटकरी लाइक्स आणि कमेंट्सचा वर्षाव करत असतात.
अमुष्कानं काही चित्रपटांमधून ब्रेक घेतला होता. अमुष्का ही बॉलिवूडमध्ये लवकरच दमदार पुनरागमन करणार आहे. लवकरच अनुष्काचा चकदा एक्सप्रेस (Chakda 'Xpress) हा चित्रपट प्रेक्षकांच्या भेटीस येणार आहे. या चित्रपटात ती भारतीय क्रिकेटर झुलन गोस्वामी यांच्या भूमिकेत दिसणार आहे.
अनुष्काचे चित्रपट
रब ने बना दी जोडी या चित्रपटामधून अनुष्कानं बॉलिवूडमध्ये पदार्पण केलं. तिनं बँड बाजा बारात,जब तक है जान,दिल धडकने दो यांसारख्या चित्रपटात काम केलं. अनुष्काच्या आगामी चित्रपटांची प्रेक्षक उत्सुकतेने वाट बघत आहेत.
महत्त्वाच्या इतर बातम्या :