Amitabh Bachchan Health Update : बॉलिवूडचे महानायक अमिताभ बच्चन (Amitabh Bachchan) गेल्या अनेक दशकांपासून प्रेक्षकांचं मनोरंजन करत आहेत. काही दिवसांपूर्वी आगामी सिनेमाच्या शूटिंगदरम्यान ते जखमी झाले होते. ब्लॉगच्या माध्यमातून त्यांनी चाहत्यांना यासंदर्भात माहिती दिली होती. आता पुन्हा एकदा सोशल मीडियावर एक खास पोस्ट शेअर करत त्यांनी चाहत्यांना प्रकृतीसंदर्भात माहिती दिली आहे.
अमिताभ बच्चन यांनी सोशल मीडियावर एका फॅशन शोदरम्यानचा रॅम्पवर चालतानाचा थ्रोबॅक फोटो शेअर केला आहे. या फोटोत त्यांनी काळ्या रंगाचा डिझायनर कुर्ता आणि पायझमा परिधान केलेला दिसत आहे. फोटो शेअर करत त्यांनी लिहिलं आहे, "माझ्या प्रकृतीत लवकरात लवकर सुधारणा व्हावी यासाठी तुम्ही केलेल्या प्रार्थनेसाठी आणि शुभेच्छांसाठी धन्यवाद... आता माझी तब्येत ठीक असून लवकरच याच जोशात मी पुन्हा रॅम्पवर येईन, अशी आशा आहे."
काळ्या रंगाचा डियायनर कुर्ता, पायजमा, पांढरे शूज आणि काळा चष्मा या लूकमध्ये अमिताभ बच्चन एकदम डॅशिंग दिसत आहेत. त्यांच्या हा फोटो पाहून चाहते आनंदी झाले आहेत. बिग बी लवकरच शूटिंगला सुरुवात करणार असल्याने चाहतेदेखील उत्सुक आहेत. त्यांच्यावर कमेंट्स करत ते आपला आनंद व्यक्त करत आहेत.
अमिताभ बच्चन यांचा अपघात कुठे झाला?
अमिताभ बच्चन त्यांच्या आगामी 'प्रोजेक्ट के' या सिनेमाचं शूटिंग हैदराबादमध्ये करत होते. या शूटिंगदरम्यान त्यांना गंभीर दुखापत झाली. त्यामुळे डॉक्टरांनी त्यांना विश्रांती करण्याचा सल्ला दिला होता. त्यांचा अपघात झाल्याचं चाहत्यांना कळल्यानंतर त्यांना मोठा धक्का बसला होता. त्यांच्या प्रकृतीत लवकर सुधारणा व्हावी यासाठी चाहते प्रार्थना करत होते. त्यानंतर अमिताभ बच्चन यांनी पुन्हा पोस्ट शेअर करत चाहत्यांचे आभार मानले होते.
अमिताभ बच्चन यांचा 'प्रोजेक्ट के' कधी होणार रिलीज? (Project K Release Date)
अमिताभ बच्चन यांचा 'प्रोजेक्ट के' हा सिनेमा 12 जानेवारी 2024 रोजी प्रेक्षकांच्या भेटीला येणार आहे. या सिनेमात अमिताभ बच्चनसह दाक्षिणात्य सुपरस्टार प्रभास (Prabhas) आणि बॉलिवूड अभिनेत्री दीपिका पादुकोण (Deepika Padukone) महत्त्वाच्या भूमिकेत झळकणार आहे. या तगडी स्टारकास्ट असलेल्या सिनेमाची चाहत्यांना उत्सुकता आहे.
महत्त्वाच्या इतर बातम्या :