Amitabh Bachchan Birthday: बॉलिवूडचे महानायक अमिताभ बच्चन (Amitabh Bachchan) यांचा आज (11 ऑगस्ट) वाढदिवस आहे. बिग बींच्या वाढदिवसानिमित्त त्यांच्या अनेक चाहत्यांना जलसा बंगल्याबाहेर गर्दी केली होती. अमिताभ बच्चन यांच्या चाहत्यांनी तसेच काही सेलिब्रिटींनी सोशल मीडियावर खास पोस्ट करुन अमिताभ बच्चन यांना वाढदिवसाच्या शुभेच्छा दिल्या आहेत. 


अनुपम खेर यांची पोस्ट


अनुपम खेर यांनी अमिताभ बच्चन यांच्यासोबतचा एक फोटो सोशल मीडियावर शेअर केला आहे. या फोटोला त्यांनी कॅप्शन दिलं, "अमित जी वाढदिवसाच्या हार्दिक शुभेच्छा! तुम्ही नेहमीच लार्जर दॅन लाईफ आहात. तुम्ही जगभरातील लाखो अभिनेत्यांसाठी प्रेरणास्थान आहात. देव तुम्हाला जगातील सर्व सुख देवो! ओम नमः शिवाय!"






अजय देवगण आणि काजोल यांनी देखील सोशल मीडियावर अमिताभ बच्चन यांच्यासोबतचा एक फोटो शेअर करुन बिग बींना वाढदिवसाच्या शुभेच्छा दिल्या आहेत. अजय देवगणनं बिग बींचा एक फोटो सोशल मीडियावर शेअर करुन कॅप्शनमध्ये लिहिलं, "जसं या फोटोमध्ये दिसत आहे, त्याचप्रमाणे तुमच्यासोबत काम करायला मजा येते. वाढदिवसाच्या शुभेच्छा, अमित जी!"








रितेश देशमुखनं अमिताभ बच्चन यांच्या वाढदिवसानिमित्त खास पोस्ट शेअर केली आहे. त्यानं पोस्टमध्ये लिहिलं, त्यांच्यासोबत काम करण्याची, त्यांच्यासोबत डान्स करण्याची, फक्त त्यांच्या शेजारी उभे राहण्याची संधी मिळाल्यामुळे मी धन्य झालो. अमिताभ बच्चन सर... माझे हिरो, माझे आयकॉन, माझे सर्वात मोठे प्रेरणास्थान तुम्हाला वाढदिवसाच्या खूप खूप शुभेच्छा - देव तुम्हाला उदंड आरोग्य आणि दीर्घायुष्य देवो."






  सिद्धार्थ मल्होत्रा,विक्की कौशल  यांनी देखील सोशल मीडियाच्या माध्यमातून अमिताभ बच्चन यांना वाढदिवसाच्या शुभेच्छा दिल्या आहेत. 


इतर महत्वाच्या बातम्या:


Amitabh Bachchan: बिग बींच्या वाढदिवसाला चाहत्यांना मिळालं गिफ्ट; Kalki 2898 AD चित्रपटामधील अमिताभ बच्चन यांचा फर्स्ट लूक आऊट