Jawan: अभिनेता शाहरुख खानच्या (Shah Rukh Khan) जवान या चित्रपटाची क्रेझ केवळ भारतातच नाही तर जगभरात बघायला मिळत आहे. जवान हा चित्रपट बॉक्स ऑफिसवर धुमाकूळ घालत आहे. अनेक जण जवान चित्रपटाचं कौतुक करत आहेत. नुकतेच अभिनेता अल्लू अर्जुननं (Allu Arjun) एक खास ट्वीट शेअर करुन जवान या चित्रपटाचं कौतुक केलं आहे. त्याच्या या ट्वीटला शाहरुखनं रिप्लाय देखील दिला आहे.
अल्लू अर्जुनचे ट्वीट
अल्लू अर्जुनने ट्वीटमध्ये लिहिलं, 'जवानच्या संपूर्ण टीमचे या भव्य ब्लॉकबस्टरसाठी अभिनंदन. जवानच्या संपूर्ण कलाकारांना, तंत्रज्ञांना, क्रू आणि निर्मात्यांना हार्दिक शुभेच्छा.शाहरुख खान गुरुंचा आतापर्यंतचा सर्वात मॅसिव अवतार, संपूर्ण भारतात आणि त्याच्या पलीकडेही त्यांचा स्वॅग पोहोचला आहे. तुमच्यासाठी खरोखर आनंद झाला आहे सर, आम्ही तुमच्यासाठी प्रार्थना केली.
विजय सेतुपती गरु नेहमीप्रमाणेच शाइन झाले आहेत. दीपिका पादुकोणनं देखील चांगलं काम केलं आहे. नयनतारा राष्ट्रीय स्तरावर शाइन झाली आहे. अनिरुद्ध, संपूर्ण देश तुझे म्युझिक लूपवर ऐकत आहे. अतिशय विचारपूर्वक व्यावसायिक चित्रपट देऊन भारतीय बॉक्स ऑफिसवर इतिहास रचल्याबद्दल अॅटली गुरु यांचे खूप खूप अभिनंदन.'
शाहरुखनं दिला रिप्लाय
शाहरुखनं अल्लू अर्जुनच्या ट्वीटला रिप्लाय दिला, "या प्रेमासाठी खूप खूप धन्यवाद. तू खूप दयाळू आहेस. ‘द फायर’ नं स्वतः माझी स्तुती केली….व्वा…मला खूप छान वाटले आहे!!! आता मी आणखी जवान झालो आहे!!! मी कबूल करतो की, मी तुझ्याकडून काहीतरी शिकलो आहे, कारण मी पुष्पा चित्रपट तीन दिवसांत तीन वेळा पाहिला होते !!! लव्ह यू"
अल्लू अर्जुनसोबतच एसएस राजामौली, करण जोहर, कियारा अडवाणी या सर्वांनी देखील शाहरुख खानच्या जवाना चित्रपटाचे कौतुक केले आहे. या चित्रपटामध्ये संजय दत्त आणि दीपिका पादुकोण यांनी कॅमिओ रोल केला आहे.
संबंधित बातम्या: