Cuttputlli trailer out : बॉलिवूडचा खिलाडी अर्थात अभिनेता अक्षय कुमारचा (Akshay Kumar) बहुप्रतिक्षित चित्रपट 'कटपुतली'चा (Cuttputlli) ट्रेलर रिलीज करण्यात आला आहे. चाहते खूप दिवसांपासून या चित्रपटाची वाट पाहत होते. या चित्रपटात अक्षय पुन्हा एकदा पोलिसाच्या भूमिकेत दिसणार आहे. यावेळी तो हत्येचे गूढ उकलत सीरियल किलरला पकडताना दिसणार आहे. नुकताच या चित्रपटाचा टीझर प्रदर्शित करण्यात आला होता, ज्यामध्ये हा चित्रपट 2 सप्टेंबर रोजी OTT वर प्रदर्शित होणार असल्याचे जाहीर करण्यात आले होते.
अक्षय कुमारचा नुकताच आलेला 'रक्षाबंधन' हा चित्रपट बॉक्स ऑफिसवर फ्लॉप ठरला. आता यानंतर अक्षय कुमारने ठरवलेय की, तो त्याचा पुढचा चित्रपट थिएटरमध्ये नाही तर OTT वर रिलीज करणार आहे. त्याच्या 'मिशन सिंड्रेला' या चित्रपटाचे नाव बदलून ‘कटपुतली’ करण्यात आले आहे. नुकताच या चित्रपटाचा ट्रेलर रिलीज झाला आहे. या चित्रपटाचा ट्रेलर पाहून त्याच्या कथेची आणि कथानकाची कल्पना येते.
पाहा ट्रेलर
‘कटपुतली’ ही कथा आहे एका सीरियल किलरची आणि पोलिस तपासाची, ज्यामध्ये अक्षय कुमार पुन्हा एकदा खाकी वर्दीत दिसणार आहे.
कुठे रिलीज होणार चित्रपट?
या चित्रपटाच्या ट्रेलर रिलीजची माहिती स्वतः चित्रपटाचा मुख्य अभिनेता अक्षय कुमार याने दिली आहे. त्याने त्याच्या सोशल मीडिया हँडलवरून चित्रपटाचा ट्रेलर शेअर केला आहे. यासोबतच त्याने कॅप्शनही लिहिले आहे. त्याने लिहिले की, ‘तीन हत्या, एक शहर.. एक पोलिस आणि एक सिरीयल किलर... कटपुतली 2 सप्टेंबरला फक्त डिस्ने+हॉटस्टारवर.’
या चित्रपटाचा टीझर शुक्रवारी प्रदर्शित झाला होता. हा टीझर जन्माष्टमीच्या मुहूर्तावर रिलीज करण्यात आला होता. टीझरमध्येच हा चित्रपट मोठ्या पडद्यावर नव्हे, तर थेट ओटीटीवर प्रदर्शित होणार असल्याचीही माहिती देण्यात आली होती. चित्रपटाचा टीझर शेअर करताना अक्षय कुमारने एक मनोरंजक कॅप्शनही लिहिले होते. त्याने लिहिले की, 'हा खेळ सत्तेचा नसून मनाचा आहे. आणि या मनाच्या खेळात तू आणि मी... सगळे कटपुतली आहोत.'
वर्षातील चौथा चित्रपट
विशेष म्हणजे या वर्षात आतापर्यंत अक्षयचे तीन चित्रपट प्रदर्शित झाले आहेत. त्यांचा 'बच्चन पांडे' हा वर्षातील पहिला चित्रपट मार्च महिन्यात प्रदर्शित झाला होता. पण, हा चित्रपट लोकांना फारसा आवडला नाही. यानंतर त्याचा 'सम्राट पृथ्वीराज' हा चित्रपटही बॉक्स ऑफिसवर कमाल दाखवू शकला नाही. त्याचवेळी त्याच्या नुकत्याच प्रदर्शित झालेला 'रक्षा बंधन' या चित्रपटानेही प्रेक्षकांची निराशा केली आहे. आतापर्यंत हा चित्रपट फारशी कमाई करू शकलेला नाही.
महत्वाच्या बातम्या :