Selfiee Release Date: बॉलिवूड अभिनेता अक्षय कुमार (Akshay Kumar) आणि इमरान हाश्मी (Emraan Hashmi) लवकरच मोठ्या पडद्यावर झळकणार आहेत. अक्षय कुमारने या वर्षाच्या सुरुवातीला त्याच्या आगामी 'सेल्फी' (Selfiee) चित्रपटाची घोषणा केली होती. त्यामुळे चाहते चित्रपटाच्या प्रदर्शनाच्या तारखेची आतुरतेने वाट पाहत होते. आता अखेर या चित्रपटाची रिलीज डेट समोर आली आहे. राज मेहता दिग्दर्शित 'सेल्फी' (Selfiee) हा साऊथचा कॉमेडी-ड्रामा चित्रपट 'ड्रायव्हिंग लायसन्स'चा अधिकृत हिंदी रिमेक आहे.
चित्रपट व्यापार विश्लेषक तरण आदर्श यांनी सोशल मीडियावर सेल्फी चित्रपटाच्या प्रदर्शनाची तारीख जाहीर करणारी पोस्ट शेअर केली आहे. त्यांनी पोस्ट शेअर करत लिहिले की, 'अक्षय कुमार, इमरान हाश्मी स्टारर 'सेल्फी' 24 फेब्रुवारी 2023 रोजी रिलीज होणार आहे. हा मल्याळम चित्रपट ड्रायव्हिंग लायसन्सचा अधिकृत रिमेक आहे.’ याचाच अर्थ अक्षय कुमार आणि इमरान हाश्मीच्या या कॉमेडी ड्रामा चित्रपटासाठी चाहत्यांना आणखी प्रतीक्षा करावी लागणार आहे.
पाहा पोस्ट :
‘सेल्फी’ हा राज मेहता दिग्दर्शित कॉमेडी ड्रामा चित्रपट आहे. या चित्रपटात अक्षय कुमार एका सुपरस्टारच्या भूमिकेत दिसणार आहे. तर, इमरान हाश्मी पोलिसाच्या भूमिकेत दिसणार आहे, जो अक्षय कुमारचा खूप मोठा चाहता असणार आहे. अक्षय आणि इमरानसोबत या चित्रपटात नुसरत भरुचा आणि डायना पेंटी महत्त्वाच्या भूमिकेत दिसणार आहेत. या चित्रपटात नुसरत भरुचा इमरानच्या पत्नीची भूमिका साकारणार आहे.
‘ड्रायव्हिंग लायसन्स’ या मल्याळम चित्रपटाबद्दल सांगायचे तर, यात पृथ्वीराज आणि सूरज वेंजरामोधू मुख्य भूमिकेत दिसले होते. आता त्याच्या हिंदी रिमेकमध्ये अक्षय कुमार आणि इमरान हाश्मी धमाल करताना दिसणार आहेत. राज मेहता या चित्रपटाचे दिग्दर्शन करत आहेत.
कलाकारही व्यस्त!
अक्षय कुमारच्या वर्क फ्रंटबद्दल बोलायचे झाले तर, तो लवकरच ‘रक्षाबंधन’ या चित्रपटात दिसणार आहे. जो 11 ऑगस्ट रोजी चित्रपटगृहांमध्ये प्रदर्शित होणार आहे. या चित्रपटात तो चार बहिणी असलेल्या एका मोठ्या भावाच्या भूमिकेत दिसणार आहे. तर, इमरान हाश्मी लवकरच सलमान खानच्या ‘टायगर 3’ या चित्रपटात दिसणार आहे. जो पुढील वर्षी 2023 मध्ये रिलीज होणार आहे.
हेही वाचा :