Adah Sharma: द केरळ स्टोरी (The Kerala Story) या चित्रपटामधून प्रेक्षकांच्या भेटीस आलेली अभिनेत्री अदा शर्मा (Adah Sharma) सध्या सोशल मीडियावर चर्चेत आहे. द केरळ स्टोरी या चित्रपटामधील अदाच्या अभिनयाचं अनेकांनी कौतुक केलं. नुकताच अदाचा एक व्हिडीओ सोशल मीडियावर व्हायरल झाला आहे. या व्हिडीओमध्ये ती पोश्टर गर्ल या चित्रपटातील ‘रखुमाई रखुमाई’ हे गाणं गाताना दिसत आहे.
अदा शर्मानं आषाढी एकादशीनिमित्त एक खास व्हिडीओ सोशल मीडियावर शेअर केला आहे. या व्हिडीओमध्ये अदा ‘रखुमाई रखुमाई’ हे गाणं गाताना दिसत आहे. "आषाढी एकादशीच्या खूप खूप शुभेच्छा “विठ्ठल विठ्ठल गजर नामाचा”" असं कॅप्शन अदानं या व्हिडीओला दिलं आहे.
नेटकऱ्यांच्या कमेंट्स
एका नेटकऱ्यानं अदाच्या व्हिडीओला कमेंट केली, 'अदा शर्मांना मराठी भाषेविषयी खूप अभिमान आहे. आषाढी एकादशीच्या खूप खूप शुभेच्छा.' तर दुसऱ्या युझरनं कमेंट केली, 'एकच हृदय आहे, कितीवेळा जिंकणार आहात?'
अदा ही सोशल मीडियावर अॅक्टिव्ह असते. तिला इन्स्टाग्रामवर 8.5 मिलियन फॉलोवर्स आहेत. अदाच्या सोशल मीडियावरील पोस्ट अनेकांचे लक्ष वेधतात. नुकताच तिनं नऊवारी साडी, नथ आणि सोनेरी रंगाची ज्वेलरी अशा मराठमोळ्या लूकमधील फोटो सोशल मीडियावर शेअर केला आहे. तिच्या या व्हिडीओला नेटकऱ्यांची पसंती मिळाली आहे.
अदाचे चित्रपट
2008 मध्‍ये रिलीज झालेल्या विक्रम भट्टच्‍या 1920 या हॉरर चित्रपटामधून अदानं बॉलिवूडमध्ये पदार्पण केलं. अदानं कमांडो 2, कमांडो 3 आणि बायपास रोडसह अनेक चित्रपटांमध्ये काम केले. अदाला द केरळ स्टोरी या चित्रपटामधून विशेष लोकप्रियता मिळत आहे. 'द केरळ स्टोरी' या सिनेमात अदा शर्मासोबतच योगिता बिहानी, सोनिया बलानी आणि सिद्धी इडनानी महत्त्वाच्या भूमिकेत आहेत. या चित्रपटानं बॉक्स ऑफिसवर कोट्यवधींची कमाई केली आहे. अदाच्या आगामी चित्रपटांची प्रेक्षक उत्सुकतेने वाट बघत आहेत.
इतर महत्वाच्या बातम्या: