मुंबई : बॉलिवूडचा मिस्टर परफेक्शनिस्ट आमिर खान आज त्याचा 54 वाढदिवस साजरा करत आहे. आपल्या जन्मदिनी नेहमीप्रमाने आमिरने मीडियाशी संवाद साधाला. यावेळी आमिरची पत्नी किरण रावही त्याच्यासोबत होती. आमिरने केक कापून मीडियासोबत वाढदिवस साजरा केला. यावेळी आमिरने वाढदिवसानिमित्त आपल्या आगामी सिनेमाची घोषणा करत चाहत्यांना वाढदिवसाचं 'गिफ्ट' दिलं.
'लाल सिंह चड्ढा' या सिनेमात आमिर झळकणार आहे. हॉलिवूडच्या 'फॉरेस्ट गंप' या सिनेमाचं हे ऑफिशिअल अॅडप्शन असणार आहे. अद्वेत चंदन या सिनेमाचं दिग्दर्शन करणार आहे. अद्वेतने याआधी 'सिक्रेट सुपरस्टार' या सिनेमाचं दिग्दर्शन केलं आहे. मीडियाच्या माध्यमातून आमिरने त्याच्या चाहत्यांना ही माहिती दिली.
'फॉरेस्ट गंप' सिनेमात हॉलिवूडचा प्रसिद्ध अभिनेता टॉम हॅक्सने मुख्य भूमिका साकारली आहे. या सिनेमाला बेस्ट पिश्चरसाठी अॅकॅडमी अवॉर्डही मिळाला आहे.
आमिरने सामाजिक भान जपत देशातील सर्व नागरिकांना आगामी निवडणुकीच मतदान करण्याचं आवाहनही केलं. वाढदिवसानिमित्त माझी इच्छा आहे की देशात होणाऱ्या आगामी निवडणुकीत माझ्या चाहत्यांनी मतदान करावं, असं आमिर खाननं म्हटलं.
गेल्या वर्षी आमिर खानचा 'ठग्स ऑफ हिंदोस्तान' सिनेमा बॉक्स ऑफिसवर अपयशी ठरला होता. आमिर खान वर्षातून एकच सिनेमात झळकतो. त्यामुळे मागील वर्ष आमिरसाठी अपयशी ठरलं. मात्र त्याचा आगामी चित्रपट सुपरहिट ठरेल अशी आशा त्याच्या चाहत्यांना आहे.